സൗത്താംപ്ടണ്‍: ലോകകപ്പില്‍ വിജയഗാഥ തുടരാന്‍ ഇന്ത്യ ഇന്ന് അഫ്ഗാനിസ്ഥാനെ നേരിടും. ഇന്ത്യന്‍ സമയം വൈകിട്ട് 3 മണിമുതലാണ് മത്സരം. ഇതുവരെ കളിച്ച എല്ലാമത്സരങ്ങളിലും തോറ്റ അഫ്ഗാനിസ്ഥാന്‍ മുഖം രക്ഷിക്കാനുള്ള പോരാട്ടത്തിനാണ് കളത്തിലിറങ്ങുന്നത്. അതേസമയം ഇന്ത്യ വരാനിരിക്കുന്ന വലിയ മത്സരങ്ങള്‍ക്ക് മുന്നോടിയായുള്ള പരീക്ഷണ വേദിയായാണ് ഇന്നത്തെ മത്സരത്തെ കാണുന്നത്. ഓപ്പണര്‍ ശിഖര്‍ ധവാന്‍, ഭുവനേശ്വര്‍ കുമാര്‍, വിജയ് ശങ്കര്‍ എന്നീ ഇന്ത്യന്‍ താരങ്ങള്‍ക്ക് ഏറ്റ പരിക്കാണ് ഇന്ത്യയ്ക്ക് തിരിച്ചടിയായിരിക്കുന്നത്.
ധവാനെ കഴിഞ്ഞ ദിവസം ടീമില്‍ നിന്നൊഴിവാക്കി യുവ വിക്കറ്ര് കീപ്പര്‍ ബാറ്ര്‌സ്മാന്‍ റിഷഭ് പന്തിനെ ടീമില്‍ ഉള്‍പ്പെടുത്തിയിരുന്നു. പന്ത് ഇന്ന് കളത്തിലിറങ്ങാന്‍ സാധ്യതയുണ്ട്. പാകിസ്ഥാനെതിരായ മത്സരത്തില്‍ പരിക്കേറ്റ ഭുവനേശ്വര്‍ ടീമിലുണ്ടെങ്കിലും അദ്ദേഹത്തിന് ഇന്നും കളിക്കാന്‍ കഴിയില്ല. പകരം മുഹമ്മദ് ഷമി ഇറങ്ങുമെന്നാണ് സൂചന.
സാധ്യതാ ടീം: രോഹിത്, രാഹുല്‍, കോഹ്‌ലി, വിജയ്/പന്ത്, ധോണി, കേദാര്‍, പാണ്ഡ്യ,കുല്‍ദീപ്,ചഹാല്‍, ഷമി, ബുംറ.
Post Your Comments