വർക്ക്ഷോപ്പിൽ വൻ തീപിടുത്തം; ലക്ഷങ്ങളുടെ നഷ്ടമെന്ന് വിലയിരുത്തൽ

വൈക്കം: വർക്ക്ഷോപ്പിൽ വൻ തീപിടുത്തം, ലൈറ്റ് ആൻഡ്‌ സൗണ്ട് വർക്ക്ഷോപ്പിൽ അഗ്നിബാധ. സാമഗ്രികൾ പൂർണമായി നശിച്ചു. കുലശേഖരമംഗലം പറക്കാട്ട് കൃഷ്ണന്റെ വർക്ക്ഷോപ്പിലാണ് തീപിടിത്തമുണ്ടായത്. രാവിലെ 10.30-നാണ് സംഭവം.

വൈക്കത്ത് വീടിനോടുചേർന്നാണ് വർക്ക്ഷോപ്പ്. ഈസമയം വീട്ടിൽ ആരും ഉണ്ടായിരുന്നില്ല. വർക്ക്ഷോപ്പിന് സമീപം ഉണ്ടായിരുന്ന സ്കൂട്ടറും മൂന്നു സൈക്കിളും രണ്ടു വാട്ടർ ടാങ്കും നശിച്ചു. രണ്ടര ലക്ഷം രൂപയുടെ നഷ്ടം കണക്കാക്കുന്നു. അഗ്നിരക്ഷാസേനയും പോലീസും നാട്ടുകാരും ചേർന്നാണ് തീയണച്ചത്.