പത്തനാപുരം: കാറിൽ ഇടിച്ചിട്ടും ബസ് നിർത്താതെ കെഎസ്ആര്‍ടിസി ഡ്രൈവര്‍, മദ്യപിച്ചു ബസ് ഓടിച്ച കെഎസ്ആര്‍ടിസി ഡ്രൈവറെ പോലീസ് അറസ്റ്റ് ചെയ്തു. കൊല്ലം കെഎസ്ആര്‍ടിസി ഡിപ്പോയിലെ ഡ്രൈവറായ രാജേന്ദ്രന്‍ നായരെയാണ് കുന്നിക്കോട് പോലീസ് അറസ്റ്റ് ചെയ്തത്.കൊല്ലത്ത് നിന്ന് പുനലൂരിലേക്ക് സര്‍വീസ് നടത്തിയ ബസിലെ ഡ്രൈവറായിരുന്നു രാജേന്ദ്രന്‍.
ബസിന്റെ എതിരെ വന്ന കാറില്‍ ഇടിച്ചിട്ട് നിര്‍ത്താതെ പോയ ബസിനെ കാര്‍ യാത്രികര്‍ പിന്‍തുടര്‍ന്നെത്തിയ കുന്നിക്കോട് ജംഗ്ഷനില്‍ വച്ച് തടഞ്ഞ് നിര്‍ത്തി പോലീസിനെ അറിയിച്ചു. പോലീസിന്‍റെ പരിശോധനയില്‍ ഡ്രൈവര്‍ മദ്യപിച്ചിട്ടുണ്ടന്ന് കണ്ടെത്തി. തുടര്‍ന്ന് അറസ്റ്റു ചെയ്ത ഡ്രൈവറെ പിന്നീട് ജാമ്യത്തില്‍ വിട്ടയച്ചു.
Post Your Comments