വയനാട്: കാട്ടാന ആക്രമണത്തില്‍ തൊഴിലുറപ്പ് തൊഴിലാളിയായ സ്ത്രീക്ക് ഗുരുതരമായി പരിക്കേറ്റു. വയനാട് പുല്‍പ്പള്ളിയില്‍ വേലിയമ്പം ചുള്ളിക്കാട് ഭാഗത്ത് വെച്ചായിരുന്ന ആക്രമണം. വേലിയമ്പം കണ്ടാമല കോളനിയിലെ പത്മിനിക്കാണ് പരിക്കേറ്റത്. ഇവരെ മാനന്തവാടിയിലെ ജില്ലാ ആശുപത്രിയില്‍ പ്രവേശിപ്പിച്ചു. ജോലി കഴിഞ്ഞ് ഉയ്ക്ക് 1.30 ന് ഭക്ഷണം കഴിയ്ക്കാന്‍ പോകുമ്പോള്‍ കാട്ടാന ആക്രമിക്കുകയായിരുന്നു.
തൊഴിലുറപ്പ് പദ്ധതിയില്‍ ഉള്‍പ്പെടുത്തി വനാതിര്‍ത്തിയോട് ചേര്‍ന്ന സ്വകാര്യ വ്യക്തിയുടെ സ്ഥലത്ത് കുളം നിര്‍മ്മാണം നടക്കുകയായിരുന്നു. ഇവിടെ നിന്ന് ഉച്ച ഭക്ഷണം കഴിയ്ക്കാന്‍ പോവുമ്പോഴാണ് പത്മിനിയെ ആന ആക്രമിച്ചത്.
Post Your Comments