വീടിന്റെ മുന്‍വാതിലിനു മുന്നിലൂടെ നടന്നുനീങ്ങുന്ന നിഴൽ, പിന്നീട് നോക്കുമ്പോൾ വ്യത്യസ്ത രൂപത്തിലുള്ള ഒരു ജീവി; അന്യഗ്രഹജീവിയുടേതെന്ന് കരുതുന്ന ദൃശ്യങ്ങൾ വൈറലാകുന്നു

വാഷിങ്ടണ്‍: അന്യ​ഗ്രഹ ജീവിയുടേതെന്ന് കരുതുന്ന ദൃശ്യങ്ങൾ സോഷ്യൽ മീഡിയയിൽ വൈറലാകുന്നു. അമേരിക്കയിലെ ഒരു വീട്ടിലെ സിസിടിവിയിലാണ് അന്യ​ഗ്രഹ ജീവിയെന്ന് തോന്നിക്കുന്ന രൂപത്തിലുള്ള ഒരു ജീവി ഓടിനടക്കുന്നത് കണ്ടത്. മെലിഞ്ഞ ശരീരവും നീണ്ട ചെവികളും വളഞ്ഞ കാലുകളുമാണ് ഇതിനുള്ളത്. എന്നാല്‍ അത് അന്യ​ഗ്രഹ ജീവിയാണോയെന്ന് ഇതുവരെ സ്ഥിരീകരിച്ചിട്ടില്ല. വിവിയാന്‍ ​ഗോമസ് എന്ന യുവതിയാണ് വീഡിയോ ഫേസ്ബുക്കിൽ പങ്കുവെച്ചത്. ഞായറാഴ്ച രാവിലെ ഉറക്കമെഴുന്നേറ്റ് ക്യാമറയില്‍ നോക്കിയപ്പോഴാണ് ഞാന്‍ ഈ ദൃശ്യങ്ങള്‍ കാണുന്നത്. ആദ്യം വീടിന്റെ മുന്‍വാതിലിനു മുന്നിലൂടെ നടന്നുനീങ്ങുന്ന നിഴലാണ് ശ്രദ്ധിച്ചത്, പിന്നാലെയാണ് അത്‍ഭുത ജീവി നടന്നുവന്നത്. മറ്റു രണ്ടു ക്യാമറകളില്‍ എന്തോ കാരണത്താല്‍ ഈ ദൃശ്യം പതിഞ്ഞിട്ടില്ല. മറ്റാരുടെയെങ്കിലും വീട്ടിലെ ക്യാമറയില്‍ ഈ ദൃശ്യം പതിഞ്ഞിട്ടുണ്ടോയെന്നു അറിയില്ലെന്നും യുവതി വ്യക്തമാക്കുന്നു. പോസ്റ്റ് ചെയ്ത് നിമിഷങ്ങള്‍ക്കുളളിൽ 92 ലക്ഷം പേരാണ് വീഡിയോ കണ്ടത്. 140,637 ഷെയറും നാൽപ്പത്തി രണ്ടായിരം ലൈക്കും വീഡിയോയ്ക്ക് ലഭിച്ചിട്ടുണ്ട്.