തിരുവനന്തപുരം : വയലിനിസ്റ്റ് ബാലഭാസകറിന്റെ മരണവുമായി ബന്ധപ്പെട്ട് അദ്ദേഹത്തെ ചികിത്സിച്ച സ്വകാര്യ ആശുപത്രിയിലെ ഡോക്ടര്‍മാരുടെ മൊഴിയെടുക്കും. മൊഴിയെടുക്കാൻ സഹകരിക്കണമെന്ന് അറിയിച്ചുകൊണ്ട് ഡോക്ടർമാർക്ക് ക്രൈംബ്രാഞ്ച് കത്ത് നൽകി. സ്വര്‍ണകടത്ത് കേസില്‍ കാക്കനാട്ടെ ജയിലില്‍ കഴിയുന്ന ബാലഭാസ്കറിന്‍റെ മാനേജരായിരുന്ന പ്രകാശന്‍ തമ്പിയുടെ അടിസ്ഥനത്തിനാണ് ഡോക്ടര്‍മാരുടെ മൊഴി രേഖപ്പെടുത്തുന്നത്.
അപകടത്തിന് ശേഷം ബാലഭാസ്കര്‍ ചികിത്സയിൽ കഴിയുമ്പോൾ ആശുപത്രിയിൽ എത്തി അദ്ദേഹത്തിനെ നേരില്‍ കണ്ട് അടുത്ത് ഇടപെട്ടവര്‍ ആരൊക്കെയായിരുന്നു എന്നുള്ള വിവരങ്ങളാകും ഡോക്ടര്‍മാരില്‍ നിന്നും ചോദിച്ചറിയുക.
അതേസമയം ഒളിവില്‍ കഴിയുന്ന ജിഷ്ണുവും ബാലഭാസ്കറും തമ്മില്‍ സാമ്പത്തിക ഇടപാടുകൾ ഉണ്ടായിരുന്നുവെന്ന് അന്വേഷണസംഘത്തിന് ബോധ്യമായിട്ടുണ്ട്. ഒളിവിൽപോയ ബാലഭാസ്കറിന്‍റെ ഡ്രൈവര്‍ അര്‍ജുന്‍, ജിഷ്ണു എന്നിവരെ കൂടി ചോദ്യം ചെയ്താല്‍ മാത്രമെ അന്വേഷണത്തില്‍ കൂടുതല്‍ വ്യക്തത വരികയുള്ളുവെന്നാണ് ക്രൈംബ്രാഞ്ച് വ്യക്തമാക്കി.
Post Your Comments