എടവണ്ണ: മോദിയുടേത് നേരിന്റെ വഴിയിലൂടെയുള്ള വിജയമല്ല, അധികാരവും സമ്പത്തും ഉപയോഗിച്ചാണ് മോദി രണ്ടാമതും അധികാരത്തിലേറിയതെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. . ജനങ്ങളില്‍ പകയും വിദ്വേഷവും അദ്ദേഹം വളര്‍ത്തിയെന്നും രാഹുല്‍ ആരോപിച്ചു.മലപ്പുറം എടവണ്ണയില്‍ നടത്തിയ റോഡ് ഷോയ്ക്കിടെ ജനങ്ങളെ അഭിസംബോധനചെയ്ത് സംസാരിക്കുകയായിരുന്നു രാഹുല്‍. വൈകുന്നരം ആറരയോടെ എടവണ്ണയിലെത്തിയ രാഹുലിനെ വലിയ ജനസാഗരമാണ് കാത്തുനിന്നത്.
എടവണ്ണപ്പാലത്ത് നിന്ന് തുറന്ന വാഹനത്തില്‍ തുടങ്ങിയ റോഡ് ഷോ ഒരു കിലോമീറ്ററോളം നീണ്ടു. എഐസിസി ജന സെക്രട്ടറി കെ.സി വേണുഗോപാല്‍, പ്രതിപക്ഷ നേതാവ് രമേശ് ചെന്നിത്തല, എ.പി അനില്‍ കുമാര്‍ എന്നിവരും അദ്ദേഹത്തിനൊപ്പമുണ്ടായിരുന്നു. ഇതൊന്നും കൂടുതല്‍കാലം നിലനില്‍ക്കില്ലെന്ന് അദ്ദേഹം പറഞ്ഞു. കോണ്‍ഗ്രസിന്റ മൂല്യങ്ങള്‍കൊണ്ട് നമ്മള്‍ എല്ലാം നേരിടും. തന്നെ വലിയ ഭൂരിപക്ഷത്തില്‍ വിജയിപ്പിച്ച വോട്ടര്‍മാരോട് നന്ദിയുണ്ടെന്നും രാഹുല്‍ പറഞ്ഞു.
അതെ സമയം തെലങ്കാനയിലും രാജസ്ഥാനിലും മധ്യപ്രദേശിലും കർണ്ണാടകയിലും പഞ്ചാബിലും ഡൽഹിയിലും മറ്റും കോൺഗ്രസ് കടുത്ത പ്രതിസന്ധിയാണ് നേരിടുന്നത്. കേരളത്തിൽ മാത്രമാണ് കോൺഗ്രസിന് വിജയം അവകാശപ്പെടാനാവുന്നത്. എന്നാൽ ദേശീയതലത്തിൽ കോൺഗ്രെസ്സിനുണ്ടായ ദയനീയ പരാജയങ്ങളൊന്നും തന്നെ പരാമർശിക്കാതെയാണ് രാഹുലിന്റെ പ്രസംഗം.
Post Your Comments