കായികപഠനത്തിന് അപേക്ഷിക്കാവുന്ന കോഴ്സുകൾ എന്തെല്ലാമെന്ന് പലർക്കും അറിവില്ലാത്ത കാര്യമാണ്. ഈ രംഗത്തെ പ്രശസ്ത സ്‌ഥാപനമാണ് ഗ്വാളിയറിലെ ലക്ഷ്‌മീബായി നാഷനൽ യൂണിവേഴ്സിറ്റി ഓഫ് ഫിസിക്കൽ എജ്യുക്കേഷൻ.
കേന്ദ്ര യുവജനകാര്യ–സ്പോട്സ് മന്ത്രാലയത്തിന്റെ നിയന്ത്രണത്തിൽ സർവകലാശാലാ പദവിയോടെ പ്രവർത്തിക്കുന്ന ഇവിടെ ഇപ്പോൾ അപേക്ഷിക്കാവുന്ന ചില കോഴ്സുകൾ ഇവ: ബിപിഎഡ്, എംപിഎഡ്, എംഎ യോഗ, പിജി ഡിപ്ലോമ (യോഗ എജ്യുക്കേഷൻ / ഫിറ്റ്നെസ് മാനേജ്മെന്റ് / യോഗ മാനേജ്മെന്റ് / സ്പോട്സ് മാനേജ്മെന്റ് / സ്പോട്സ് ജേണലിസം / സ്പോട്സ് കോച്ചിങ് – അത്‌ലറ്റിക്സും വിവിധ ഗെയിമുകളും).
ബിപിഎഡ് അപേക്ഷ ജൂൺ 4 വരെ. മറ്റു പ്രോഗ്രാമുകളിലെ പ്രവേശനത്തിനുള്ള അപേക്ഷകൾ അതിനു ശേഷം. ഇവയ്ക്കുള്ള തീയതികൾക്കും ഫീസടക്കമുള്ള വിവരങ്ങൾക്കും സൈറ്റിലെ പ്രോസ്പെക്ടസിലുണ്ട്.
Post Your Comments