റിയോഡി ജനീറോ: ബ്രസീല്‍ ഫുട്‌ബോള്‍ ടീം ക്യാപ്റ്റന്‍ സ്ഥാനത്തു നിന്നും സൂപ്പര്‍ സ്‌ട്രൈക്കര്‍ നെയ്മറിനെ മാറ്റി. ഡാനി ആല്‍വെസ് ആണ് പുതിയ ക്യാപ്റ്റന്‍. കോപ്പ അമേരിക്കയില്‍ ആല്‍വെസ് ടീമിനെ നയിക്കുക. ബ്രസീല്‍ ഫുട്‌ബോള്‍ ഫെഡറേഷന്‍ ആണ് ഇക്കാര്യം അറിയിച്ചത്. ക്യാപ്റ്റന്‍ സ്ഥാനത്തു നിന്നും നെയ്മറിനെ മാറ്റിയ വിവരം താരത്തെ അറിയിച്ചുവെന്നും ഫെഡറേഷന്‍ വ്യക്തമാക്കി.
ജൂണ്‍ 14നാണ് കോപ്പ അമേരിക്ക മത്സരങ്ങള്‍ തുടങ്ങുന്നത്. ഗ്രൂപ്പ് ഘട്ടത്തില്‍ ബൊളീവിയ, പെറു, വെനസ്വേല എന്നീ ടീമുകളെയാണ് ബ്രസീലിന് നേരിടാനുള്ളത്. ബ്രസീലിന്റെ പ്രതിരോധനിര താരമാണ് ഡാനി ആല്‍വെസ്. ഫ്രഞ്ച് ക്ലബ്ബായി പി.എസ്.ജിയില്‍ നെയ്മറിന്റെ സഹതാരമാണ് ആല്‍വെസ്.
Post Your Comments