സുകുമാരക്കുറുപ്പായി ദുല്‍ഖര്‍; നിര്‍മ്മാണവും താരത്തിന്റേത് തന്നെ

സുകുമാരക്കുറുപ്പ് എവിടെ? ഇതുവരെയും ആര്‍ക്കും കൃത്യമായ ഒരു ഉത്തരം ഈ ചോദ്യത്തിനില്ല. പ്രേക്ഷകരെ കോരിത്തരിപ്പിക്കാന്‍ സുകുമാര കുറുപ്പിന്റെ കഥ സിനിമയായി വരുന്നു. ദുല്‍ഖര്‍ സല്‍മാന്‍ നായകനാകുന്ന ‘കുറുപ്പ് ‘ ചിത്രത്തിന്റെ ഫസ്റ്റ് ക്ലാപ്പ് ഇന്ന് നടന്നു. ശ്രീനാഥ് രാജേന്ദ്രനാണ് സംവിധാനം. കുറുപ്പിന്റെ പോസ്റ്ററും ശ്രീനാഥ് ഫേസ്ബുക്കില്‍ പങ്കുവച്ചു. അഞ്ചു വര്‍ഷമായി ഈ ചിത്രത്തിന്റെ പിറകെയാണെന്നും ഇക്കാലമത്രയും കൂടെയുണ്ടായിരുന്ന ദുല്‍ഖറിനോട് വ്യക്തിപരമായി നന്ദി പറയുന്നതായും ശ്രീനാഥ് കുറിച്ചു. ചിത്രത്തിലെ മറ്റു നടീ നടന്‍മാരെക്കുറിച്ചു ക്രൂ അംഗങ്ങളെക്കുറിച്ചും പിന്നീട് അറിയിക്കുമെന്നും ശ്രീനാഥ് അറിയിച്ചു. ചിത്രത്തിന്റെ നിര്‍മ്മാണം ദുല്‍ഖര്‍ സല്‍മാന്‍ പ്രൊഡക്ഷന്‍സ് തന്നെയാണ്. ദുല്‍ഖര്‍ സല്‍മാന്‍ പ്രൊഡക്ഷന്‍സിന്റെ രണ്ടാമത്തെ ചിത്രമാകും കുറുപ്പ്. നവാഗതനായ ഷംസു സെയ്ബ ഒരുക്കുന്ന ജേക്കബ് ഗ്രിഗറി നായകനായ ചിത്രത്തിന്റെ നിര്‍മ്മാണവും ദുല്‍ഖറായിരുന്നു. കൂതറയാണ് ശ്രീനാഥിന്റെ ഏറ്റവും ഒടുവിലത്തെ ചിത്രം.

https://www.facebook.com/photo.php?fbid=10159786177873647&set=a.10150930686473647&type=3&permPage=1