തേഞ്ഞിപ്പലം: തേഞ്ഞിപ്പാലത്ത് ബൈക്കുകള്‍ കൂട്ടിയിടിച്ചതിനെ തുടര്‍ന്ന് റോഡില്‍ വിദേശ മദ്യം പരന്നൊഴുകി. കഴിഞ്ഞ ദിവസം രാത്രി 8.30ന് തേഞ്ഞിപ്പാലം ദേവതിയാലിലാണ് സംഭവം. വിദേശം മദ്യം കടത്തിയ ബൈക്കാണ് അപകടത്തില്‍പ്പെട്ടത്. മദ്യം റോഡില്‍ പരന്നതോടെ നാട്ടുകാര്‍ ബൈക്കിന്റെ ചാവി ഊരി മാറ്റുകയും പോലീസില്‍ ഏല്‍പ്പിക്കുകയും ചെയ്തു.
സംഭവത്തില്‍ അമ്പലപ്പടി വിളയൂര്‍ വീട്ടില്‍ പ്രഭാകരന്‍ (55) നെ തേഞ്ഞിപ്പലം പോലീസ് അറസ്റ്റ് ചെയ്തു. ഇയാളില്‍ നിന്നും 8 ലിറ്റര്‍ മദ്യവും കസ്റ്റഡിയില്‍ എടുത്തു. 17 കുപ്പി മദ്യം ബൈക്കില്‍ സഞ്ചിയിലും മറ്റുമായി ഉണ്ടായിരുന്നെങ്കിലും ഒരെണ്ണമാണ് പൊട്ടി റോഡില്‍ ഒഴുകിയത്.
അതേസമയം പ്രതിയുടെ കൂടെ ബൈക്കിലുണ്ടായിരുന്ന ആള്‍ക്ക് അപകടത്തില്‍ പരിക്കേറ്റു. മറ്റേ ബൈക്കിലെ യുവാവിനെ പരുക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കല്ല്യാണ ആവശ്യത്തിനുള്ള മദ്യമായിരുന്നു തന്റെ ബൈക്കിലെന്നാണ് പ്രഭാകരന്‍ പോലീസിനോട് പറഞ്ഞത്.
Post Your Comments