വളാഞ്ചേരിയില്‍ പതിനാറുകാരിയെ പീഡിപ്പിച്ച കേസിലെ പ്രതി ഷംസുദ്ദീന്‍ നടക്കാവില്‍ മന്ത്രി കെ ടി ജലീലിന്റെ സുഹൃത്തെന്ന് ആരോപണം പുറത്തു വന്നിരുന്നു. ഇപ്പോഴിതാ പ്രതി നാടുവിട്ട കേസില്‍ മന്ത്രി കെ ടി ജലീലിനെ കടന്നാക്രമിച്ച വി.ടി ബല്‍റാം. ക്രൂരമായി ബലാല്‍സംഗം ചെയ്യപ്പെട്ട ഒരു പെണ്‍കുട്ടിയുടെ ബന്ധുക്കള്‍ സംസ്ഥാനത്തെ ഒരു മന്ത്രിക്ക് എതിരെ രംഗത്ത് വന്നിട്ടും ഒരു വാക്കു പോലും മിണ്ടാത്ത സാംസ്‌കാരിക നായകരേയും ബല്‍റാം പരിഹസിക്കുന്നുണ്ട് വിടി ബല്‍റാം. ഫെയ്‌സ്ബുക്ക് പോസ്റ്റിലൂടെയാണ് പ്രതികരണം.
പോസ്റ്റിന്റെ പൂര്‍ണ്ണരൂപം
സംസ്ഥാനം ഭരിക്കുന്ന ഒരു മന്ത്രിക്കെതിരെയാണ് ക്രൂരമായി ബലാത്സംഗം ചെയ്യപ്പെട്ട ഒരു മൈനര്‍ പെണ്‍കുട്ടിയുടെ ബന്ധുക്കള്‍ ഗുരുതരമായ ആക്ഷേപങ്ങള്‍ ഉയര്‍ത്തിയിരിക്കുന്നത്. പോക്സോ കേസില്‍ പ്രതിയായ നഗരസഭ കൗണ്‍സിലറെ സുഹൃത്തായ മന്ത്രി തന്റെ അധികാരമുപയോഗിച്ച് സംരക്ഷിക്കുന്നു, പൊലീസിനെ നിര്‍വ്വീര്യമാക്കുന്നു എന്നാണ് പരാതി. മന്ത്രിയേപ്പോലെത്തന്നെ സിപിഎം സ്വതന്ത്രനാണ് കൗണ്‍സിലറും. മന്ത്രിയുമായി പ്രതിയുടെ അടുത്ത ബന്ധം തെളിയിക്കുന്ന നിരവധി ഫോട്ടോകള്‍ സോഷ്യല്‍ മീഡിയയിലും പ്രചരിക്കുന്നു. മന്ത്രിയാകട്ടെ മൗനം തുടരുന്നു.
മറ്റുള്ളവര്‍ ആരുടെയെങ്കിലും ഫേസ്ബുക്ക് പോസ്റ്റിന് ലൈക്കടിക്കുന്നുണ്ടോ എന്ന് നോക്കി പീഡോ ചാപ്പ കുത്താന്‍ അമിതാവേശം കാണിക്കുന്ന സൈബര്‍ വെട്ടുകിളികളും സ്ത്രീ സംരക്ഷകരും സാംസ്‌കാരിക നായികമാരുമൊന്നും ഇത് കാണില്ല എന്നറിയാം.എന്നാലും ആ പെണ്‍കുട്ടിക്ക് നീതി ലഭിച്ചേ പറ്റൂ. ശക്തമായ അന്വേഷണം ഇക്കാര്യത്തില്‍ ഉണ്ടാവണം.
https://www.facebook.com/vtbalram/posts/10156603603624139
Post Your Comments