‘ജയിക്കാനല്ല ഞാന്‍ അന്ന് കളിച്ചത്’; ജീവിതത്തെക്കുറിച്ചുള്ള വെളിപ്പെടുത്തലുമായി സച്ചിൻ

തന്റെ കരിയറില്‍ തോല്‍ക്കാനായി കളിച്ച ഒരു മത്സരത്തെക്കുറിച്ചുള്ള വെളിപ്പെടുത്തലുമായി സച്ചിൻ തെണ്ടുൽക്കർ. തന്റെ ക്രിക്കറ്റ് വളർച്ചയിൽ നിർണായക സ്വാധീനം ചെലുത്തിയ അജിത് തെൻഡുൽക്കറിനെതിരെ കളിക്കുമ്പോഴാണ് തോൽക്കാനായി സച്ചിൻ മത്സരിച്ചത്. എംഐജി നടത്തിയ സിംഗിള്‍ വിക്കറ്റ് ടൂര്‍ണമെന്റില്‍ രണ്ടു പൂളിലായി മത്സരിച്ചിരുന്ന അജിത്തും സച്ചിനും സെമിയില്‍ നേര്‍ക്കു നേര്‍ മത്സരിക്കേണ്ടി വന്നു. ഈ മത്സരത്തില്‍ മാത്രമാണ് സച്ചിനും അജിതും പരസ്പരം ഏറ്റുമുട്ടിയത്.

ജയിക്കാനല്ല അജിത് ബോൾ ചെയ്തത്. ഞാൻ ബാറ്റു ചെയ്തത് ജയിക്കാനുമല്ല. എന്റെ ഉഴപ്പ് കണ്ടപ്പോൾ അജിത് കടുപ്പിച്ച് എന്റെ നേരെ നോക്കി. ചേട്ടൻ പറയുമ്പോൾ അനുസരിക്കാതെ പറ്റില്ലല്ലോ. ഞാൻ ജയിച്ചു, പക്ഷേ ജയിച്ചില്ല. അജിത് തോറ്റതുമില്ല. ഞാൻ സെമിയിലെത്തിയെന്നുമാണ് സച്ചിൻ പറഞ്ഞത്.