തിരുവനന്തപുരം: എയർപോർട്ടിൽ എയർ പിസ്റ്റൾ ഉപേക്ഷിച്ചു, അന്താരാഷ്ട്ര വിമാനത്താവളത്തിൽ എയർ പിസ്റ്റൾ ഉപേക്ഷിച്ച സംഭവത്തിൽ യാത്രക്കാരൻ അറസ്റ്റിലായി . പാപ്പനംകോട് സ്വദേശി ശ്രീപ്രകാശാണ് അറസ്റ്റിലായത് . ദുബായിൽനിന്ന് ചൊവ്വാഴ്ച മടങ്ങിയെത്തിയ ഇയാളെ എമിഗ്രേഷൻ അധികൃതർ വലിയതുറ പോലീസിന് കൈമാറുകയായിരുന്നു. കഴിഞ്ഞ 26 നായിരുന്നു സംഭവം.
ശ്രീപ്രകാശ് ദുബായിൽ പോകുന്നതിനായി മകൻ ആദർശിനൊപ്പമാണ് ശ്രീപ്രകാശ് വൈകീട്ട് വിമാനത്താവളത്തിലെത്തിയത്. എയർ പിസ്റ്റൾ ബാഗിലുണ്ടായിരുന്നാൽ യാത്രയ്ക്ക് തടസ്സമാകുമെന്ന് മറ്റ്‌ യാത്രക്കാർ പറഞ്ഞു. തുടർന്ന് പുറപ്പെടൽ ഭാഗത്തുള്ള ചവറുകുട്ടയിൽ താൻ പിസ്റ്റൾ ഉപേക്ഷിക്കുകയായിരുന്നുവെന്ന് ചോദ്യംചെയ്യലിൽ ഇയാൾ നൽകി.
എയർ പിസ്റ്റൾ വിമാനത്താവളത്തിലെ ചവറുകുട്ട മാറ്റാനെത്തിയ ശുചീകരണ ജീവനക്കാരിയാണ് എയർ പിസ്റ്റൾ കണ്ടെത്തിയത്. ഇവർ വിമാനത്താവള അധികൃതരെ അറിയിച്ചതിനെത്തുടർന്ന്‌ സി.ഐ.എസ്.എഫ്. അധികൃതരെത്തി പിസ്റ്റൾ കസ്റ്റഡിയിലെടുത്തു. ഇത് പിന്നീട് വലിയതുറ പോലീസിന് കൈമാറി.
Post Your Comments