തൃശൂര്‍: എട്ട് കിലോ കഞ്ചാവുമായി യുവാവ് അറസ്റ്റില്‍. ഷൊര്‍ണൂര്‍ ഗണേഷ് ഗിരി സ്വദേശിയും 22കാരനുമായ സുധീഷാണ് എക്സൈസിന്റെ പിടിയിലായത്. ബൈക്കില്‍ കഞ്ചാവ് കടത്താന്‍ ശ്രമിക്കുന്നതിനിടയിലാണ് ഇയാളെ പിടികൂടിയത്. പഴയന്നൂര്‍ എക്സൈസ് റേഞ്ച് ഇന്‍സ്‌പെക്ടറുടെ നേതൃത്വത്തിലാണ് യുവാവിനെ പിടികൂടിയത്.
എക്‌സൈസിനു ലഭിച്ച രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് സുധീഷിനെ അറസ്റ്റ് ചെയ്തത്. അതേസമയം പ്രതിയുടെ ഒപ്പമുണ്ടായിരുന്ന മറ്റൊരാള്‍ ള്‍ ഓടി രക്ഷപ്പെട്ടു. ഇയാള്‍ക്കായി തിരച്ചില്‍ നടത്തുന്നുണ്ടെന്ന് എക്സൈസ് അധികൃതര്‍ അറിയിച്ചു.
Post Your Comments