മെറീന മൈക്കിള്‍ കേന്ദ്ര കഥാപാത്രത്തെ അവതരിപ്പിക്കുന്ന ഹ്രസ്വചിത്രമാണ് മായ. ചിത്രത്തിന് സമൂഹ്യമാധ്യമങ്ങളില്‍ മികച്ച പ്രതികരണമാണ് ലഭിക്കുന്നത്. ചിത്രം സംവിധാനം ചെയ്തിരിക്കുന്നത് സിനിമയില്‍ സംവിധാന സഹായിയായി ജോലി ചെയ്യുന്ന ഗ്രാഷാണ്.
നാലു മിനിറ്റാണ് ഹ്രസ്വ ചിത്രത്തിന്റെ ദൈര്‍ഘ്യം. സമകാലിക പ്രസക്തിയുള്ള സംഭവങ്ങള്‍ വളരെ വ്യത്യസ്തമായ രീതിയിലാണ് ചിത്രത്തില്‍ അവതരിപ്പിച്ചിരിക്കുന്നത്. മെറീന മൈക്കിളിനോടൊപ്പം ജോസഫ്, അഭിഷേക്, അനന്തകൃഷ്ണന്‍, ഫാസില്‍ എന്നിവരും ചിത്രത്തില്‍ അഭിനയിച്ചിരിക്കുന്നു.
ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് അബ്ദുള്‍ റഹീം ആണ്. ചിത്രത്തിന് സംഗീതം നല്‍കിയിരിക്കുന്നത് ധനുഷ് ഹരികുമാറാണ്.
ഫിഫ പ്രൊഡക്ഷന്‍സിന്റെ ബാനറില്‍ നാസര്‍ ചെറിയിലാണ് ചിത്രം നിര്‍മ്മിച്ചിരിക്കുന്നത്.
Post Your Comments