പ്രണയം എന്നത് വെറുമൊരു ശാരീരിക ബന്ധം മാത്രമായി മാറിയിരിക്കുന്നു.. കാമുകന്റെ നിര്‍ബന്ധിത ലൈംഗിക ബന്ധവും തുടര്‍ന്നുള്ള ശാരീരിക പീഡനവും

മുംബൈ : പ്രണയം എന്നത് വെറുമൊരു ശാരീരിക ബന്ധം മാത്രമായി മാറിയിരിക്കുന്നു.. കാമുകന്റെ നിര്‍ബന്ധിത ലൈംഗിക ബന്ധവും തുടര്‍ന്നുള്ള ശാരീരിക പീഡനവും : കാമുകന്റെ ക്രൂരത തുറന്നു പറഞ്ഞ് യുവതി. ഇത് ശ്രുതി ചൗധരി, മീ ടൂ മൂവ്‌മെന്റിന്റെ തുടക്കത്തില്‍ കാമുകന്റെ ലൈംഗിക അതിക്രമത്തിന് ഇരായായതിനെക്കുറിച്ച് തുറന്നെഴുതി. ഇപ്പോഴിതാ ആ തുറന്നുപറച്ചിലിലൂടെ ഉണ്ടായ മറ്റൊരു അനുഭവം പങ്കുവയ്ക്കുകയാണ് ശ്രുതി. ഹ്യൂമന്‍സ് ഓഫ് ബോംബെ എന്ന ഫേസ്ബുക്ക് പേജിലാണ് ശ്രുതി ഇക്കാര്യം തുറന്നുപറയുന്നത്.

ഒരു ചെറിയ ഗ്രാമത്തില്‍ നിന്നും മുംബൈ എന്ന മഹാനഗരത്തിലെത്തിയതായിരുന്ന എന്റെ എഴുത്ത് കണ്ട് കൂടെ ജോലി ചെയ്യാന്‍ അയാള്‍ വിളിക്കുകയായിരുന്നുവെന്ന് ശ്രുതി പറയുന്നു. പിന്നീട് എപ്പോഴോ അവര്‍ തമ്മില്‍ പരസ്പരം അടുത്തു. തന്റെ പ്രശ്‌നങ്ങള്‍ പലതും അയാളോട് മനസ് തുറന്നു പറഞ്ഞു. പിന്നീട് ശരീരം പങ്കിടുന്ന തലം വരെ ആ ബന്ധം വളര്‍ന്നു. എന്നാല്‍ സ്‌കോട്‌ലന്‍ഡിലേക്കുള്ള ഒരു യാത്രയാണ് എല്ലാം മാറ്റിമറിച്ചതെന്ന് ശ്രുതി പറയുന്നു.

അവിടെവച്ച് ഒരു രാത്രി അയാളുടെ അടുത്ത് നിന്ന് തിരികെപോകാന്‍ തുടങ്ങുകയായിരുന്ന എന്നെ തടഞ്ഞു നിറുത്തി ലൈംഗിക ബന്ധത്തിന് നിര്‍ബന്ധിച്ചതായി ശ്രുതി വെളിപ്പെടത്തുന്നു. ഒഴിഞ്ഞുമാറിയതോടെ അയാള്‍ രൂക്ഷമായി പെരുമാറാന്‍ തുടങ്ങി. അയാളുടെ ആവശ്യത്തിന് അവസാനം വഴങ്ങിയെങ്കിലും വളരെ ക്രൂരമായാണ് അയാള്‍ പെരുമാറിയത്. എന്നെ വേദനിപ്പിക്കുകയും ശരീരഭാഗങ്ങളില്‍ കടിക്കുകയും ചെയ്തു. വൈകിയാണ് അതൊരു പീഡനമാണെന്ന് അറിഞ്ഞത്. ഇതിനുശേഷമാണ് അയാളുടെ യഥാര്‍ത്ഥമുഖം മനസിലാക്കുന്നതെന്ന് ശ്രുതി പറയുന്നു. പല സ്ത്രീകളുമായും അയാള്‍ക്ക് ബന്ധമുണ്ടെന്ന് അറിഞ്ഞതോടെ ആ ബന്ധം ഉപേക്ഷിക്കുകയായിരുന്നു.

പക്ഷേ ഒരേ സ്ഥാപനത്തില്‍ ജോലി തുടരേണ്ടിവന്നു. അപ്പോഴാണ് മറ്റൊരു പെണ്‍കുട്ടിക്കും അയാളില്‍ നിന്ന് സമാനമായ അനുഭവം ഉണ്ടെന്ന് അറിഞ്ഞത്. ഞാനും ആ കുട്ടിയുമൊക്കെ അയാളുടെ ഇരകളായിരുന്നുവെന്ന് അപ്പോഴാണ് മനസിലാക്കിയത്. ബന്ധങ്ങള്‍ക്കിടയിലും ബലാത്സംഗവും പീഡനവും നടക്കുന്നുണ്ട് അങ്ങനെയാണ് അതിനെക്കുറിച്ച് തുറന്നെഴുതിയത്. അതിനെത്തുടര്‍ന്ന് ആ പോസ്റ്റിന് മറുപടിയായി നിരവധി പെണ്‍കുട്ടികള്‍ അയാള്‍ക്കെതിരെ രംഗത്ത് വന്നു. പ്രായപൂര്‍ത്തിയാകാത്ത പെണ്‍കുട്ടി വരെ ആ കൂട്ടത്തില്‍ ഉണ്ടായിരുന്നു. തുടന്നാണ് എല്ലാവര്‍ക്കുമായി പോരാടാന്‍ തീരുമാനിച്ചത്.

നിങ്ങളൊരിക്കലും ഒറ്റയ്‌ക്കെല്ലെന്ന് തിരിച്ചറിയണമെന്നും നിങ്ങള്‍ അനുഭവിക്കുന്ന അതേ ദുരിതങ്ങള്‍ അനുഭവിക്കുന്ന മറ്റുള്ളവരും ഉണ്ടെന്നും ഓര്‍ക്കണം എന്നും പറഞ്ഞാണ് പോസ്റ്റ് അവസാനിക്കുന്നത്.