റോഡ് മുറിച്ചുകടക്കുന്നതിനിടെ വാഹനമിടിച്ച് സ്ത്രീ മരിച്ചു

കുമ്പള : റോഡ് മുറിച്ചുകടക്കുന്നതിനിടെ വാഹനമിടിച്ച് സ്ത്രീ മരിച്ചു. മുജങ്കാവിലെ ഹരീഷന്റെ ഭാര്യയും നായ്ക്കാപ്പ് പ്രശാന്ത് മില്ലിലെ ജീവനക്കാരിയുമായ ജലജ (30)യാണ് മരിച്ചത്. ശനിയാഴ്ച ഉച്ചയോടെയായിരുന്നു അപകടം. ഭക്ഷണം കഴിക്കാനായി പോകാന്‍ മില്ലിന് സമീപത്തെ റോഡ് മുറിച്ച് കടക്കുന്നതിനിടെ അമിത വേഗതയിലെത്തിയ പിക്കപ്പ് വാനിടിച്ചു. റോഡിലേക്ക് തെറിച്ച് വീണു ഗുരുതരമായി പരിക്കേറ്റ ജലജയെ ഉടൻ തന്നെ ആശുപത്രിയിൽ എത്തിച്ചെങ്കിലും രക്ഷിക്കാൻ ആയില്ല.