ഇരിട്ടി: സ്ഫോടനത്തിൽ അന്വേഷണം ആരംഭിച്ച് പോലീസ്, പൂമരം പ്രദേശത്ത് കിഴക്കോട് ലക്ഷംവീട് കോളനിക്ക് സമീപമുണ്ടായ ഉഗ്രസ്‌ഫോടനത്തില്‍ ഒരാള്‍ക്ക് പരിക്കേറ്റ സംഭവത്തില്‍ ബോംബും ആയുധങ്ങളും കണ്ടെത്താനായി പോലീസ് റെയ്ഡ് നടത്തിയെങ്കിലും ഒന്നും കണ്ടെത്താനായില്ല. പ്രദേശത്തെ ആളൊഴിഞ്ഞ കശുമാവിൻ തോട്ടത്തിലാണ് വ്യാഴാഴ്ച സ്ഫോടനം നടന്നത്. കശുവണ്ടി ശേഖരിക്കുകയായിരുന്ന വെളിയമ്പ്ര പറമ്പിലെ ഷാഹിത മന്‍സിലില്‍ ടി.വി. അബ്ദുള്‍ നാസറി (45)നാണു പരിക്കേറ്റത്.
നാസർ കശുവണ്ടി ശേഖരിക്കുന്നതിനിടയില്‍ പന്തിന്‍റെ രൂപത്തിലുള്ള സാധനം കാലുകൊണ്ട് തട്ടിയപ്പോഴാണ് പൊട്ടിത്തെറിച്ചത്. നാസറിന്‍റെ വലതുകാലിന് ഗുരുതര പരിക്കേറ്റു. സംഭവത്തെക്കുറിച്ച് വിശദമായ അന്വേഷണത്തിലാണ് പോലീസ്..
ഇരിട്ടി ഡിവൈഎസ്പി സാജു കെ.ഏബ്രഹാം, സിഐ കെ.പി.സുനില്‍ കുമാര്‍, ഇരിട്ടി എസ്ഐ പി.അനീഷ്‌ കുമാര്‍, മുഴക്കുന്ന് എസ്ഐ പി.അജേഷ് കുമാര്‍ എന്നിവരുടെയും ബോംബ് സ്‌ക്വാഡിന്‍റെയും നേതൃത്വത്തിലായിരുന്നു പരിശോധന.
Post Your Comments