തിരുവനന്തപുരം:വര്‍ക്ക്ഷോപ്പിലുണ്ടായ തീപിടുത്തത്തിൽ ഇരുപത്തഞ്ചോളം ബൈക്കുകള്‍ കത്തിനശിച്ചു.കാട്ടാക്കടയ്ക്ക് സമീപം നക്രാംചിറയിലെ സ്കൂട്ടര്‍ വര്‍ക്ക്ഷോപ്പിലാണ്‌ അപകടം നടന്നത്. തീപിടുത്തത്തിൽ കട പൂര്‍ണ്ണമായും കത്തിനശിച്ചു.
പാലേലി സ്വദേശി ജയനാണ് കടയുടെ ഉടമ. ഇന്നലെ രാത്രി 12 മണിക്കായിരുന്നു സംഭവം. തീ പടരുന്നത് ശ്രദ്ധയില്‍പ്പെട്ട നാട്ടുകാർ ഉടൻ പോലീസിനെയും ഫയര്‍ ഫോഴ്സിനെയുംവിവരം അറിയിച്ചു. ഫയർഫോഴ്‌സെത്തി തീയണച്ചുവെങ്കിലും അപ്പോഴേക്കും കട പൂർണമായും കത്തിനശിച്ചിരുന്നു.
സമീപ പ്രദേശങ്ങളിലേക്ക് തീ പടരാത്തതിനാല്‍ വന്‍ദുരന്തം ഒഴിവായി. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം. പോലീസ് അന്വേഷണം ആംഭിച്ചിട്ടുണ്ട്.
Post Your Comments