സൗ​ദി​യി​ല്‍ മു​ണ്ട് ധ​രി​ക്കരുത് ; വ്യജ ​പ്ര​ചാ​ര​ണത്തെക്കുറിച്ച് അധികൃതർ

റി​യാ​ദ്: സൗ​ദി അ​റേ​ബ്യൻ രാജ്യത്ത് മു​ണ്ട് ധ​രി​ക്കരുതെന്ന പ്രചാരണം വ്യജമാണെന്ന് അധികൃതർ വ്യക്തമാക്കി. സൗദിയിൽ മുണ്ട് നിരോധിച്ചുവെന്ന് സോഷ്യൽ മീഡിയയിൽ വാർത്തകൾ വന്നിരുന്നു.കഴിഞ്ഞ ദിവസം സ​ല്‍​മാ​ന്‍ രാ​ജാ​വി​ന്‍റെ അ​ധ്യ​ക്ഷ​ത​യി​ല്‍ ചേ​ര്‍​ന്ന മ​ന്ത്രി​സ​ഭാ​യോ​ഗം അം​ഗീ​ക​രി​ച്ച പൊ​തു​പെ​രു​മാ​റ്റ സം​ര​ക്ഷ​ണ ച​ട്ട​ത്തി​ലെ ചി​ല നി​ബ​ന്ധ​ന​ക​ളെ തെ​റ്റാ​യി ക​ണ്ടാ​ണ് മ​ല​യാ​ളി​ക​ള​ട​ക്ക​മു​ള്ള​വ​ര്‍ വ്യാ​ജ​പ്ര​ചാ​ര​ണം വിശ്വസിച്ചത്.

എം​ബി​സി ചാ​ന​ലി​ലെ ഒ​രു ന്യൂ​സ് ക്ലി​പ്പ് സ​ഹി​തം ഫേ​സ്ബു​ക്കി​ലൂ​ടെ​യും വാ​ട്സ് ആ​പ്പി​ലൂ​ടെ​യു​മാ​ണ് പ്ര​ചാ​ര​ണം.അ​റ​ബി​യി​ലു​ള്ള ചാ​ന​ല്‍ വാ​ര്‍​ത്ത​യി​ലെ പ​രാ​മ​ര്‍​ശ​ങ്ങ​ള്‍​ക്ക് വി​രു​ദ്ധ​മാ​യ കാ​ര്യ​ങ്ങ​ളാ​ണ് പ്ര​ച​രി​പ്പി​ക്കു​ന്ന​ത്. മ​ന്ത്രി​സ​ഭ തീ​രു​മാ​ന​ത്തെ കു​റി​ച്ചാ​ണ് യ​ഥാ​ര്‍​ഥ​ത്തി​ല്‍ വാ​ര്‍​ത്ത.

സാ​മൂ​ഹി​ക മ​ര്യാ​ദ ലം​ഘി​ച്ചാ​ല്‍ ശിക്ഷ ലഭിക്കുന്നതിനെക്കുറിച്ചാണ് മന്ത്രിസഭാ യോഗത്തിൽ തീരുമാനമായത്. ആ​ഭ്യ​ന്ത​ര​മ​ന്ത്രാ​ല​യ​വും വി​നോ​ദ സ​ഞ്ചാ​ര വ​കു​പ്പും ചേ​ര്‍​ന്നാ​ണ് പെ​രു​മാ​റ്റ ച​ട്ടം രൂ​പ​പ്പെ​ടു​ത്തി​യ​ത്. പൊ​തു സ്ഥ​ല​ങ്ങ​ളി​ല്‍ ആ​ളു​ക​ളു​ടെ പെ​രു​മാ​റ്റം സം​ബ​ന്ധി​ച്ച്‌ പ്ര​ധാ​ന​മാ​യും അ​ഞ്ച് നി​ബ​ന്ധ​ന​ക​ളാ​ണ് ച​ട്ടം മു​ന്നോ​ട്ടു​വെ​ക്കു​ന്ന​ത്. ഏതെങ്കിലും ഒരു നിയമം തെറ്റിച്ചാൽ 5,000 റി​യാ​ല്‍ വ​രെ പിഴയും ഈടാക്കും.