റിയാദ്•സൗദി നഗരമായ ഖാമിസ് മുശൈത്തിനെ ലക്ഷ്യമിട്ട് ഹൂതി വിമതര്‍ അയച്ച രണ്ട് ഡ്രോണുകളെ സൗദി റോയല്‍ എയര്‍ ഡിഫന്‍സ് ഫോഴ്സ് തകര്‍ത്തു.
അജ്ഞാതമായ രണ്ട് വസ്തുക്കള്‍ ഖാമിസ് മുശൈത്ത് നഗരത്തെ ലക്ഷ്യമിട്ട് നീങ്ങുന്നത് ശ്രദ്ധയില്‍പ്പെട്ട സൗദി വ്യോമ പ്രതിരോധ സംവിധാനങ്ങള്‍ അവയെ തടഞ്ഞ് തകര്‍ത്തതായി സൗദി സഖ്യസേന വക്താവ് കേണല്‍ തുര്‍ക്കി അല്‍-മാല്‍കി പറഞ്ഞു.
ഇവയുടെ അവശിഷ്ടങ്ങള്‍ വീണ് അഞ്ചുപേര്‍ക്ക് പരിക്കേറ്റതായി സൗദി വാര്‍ത്താ ഏജന്‍സി റിപ്പോര്‍ട്ട് ചെയ്യുന്നു. പരിക്കേറ്റവരില്‍ ഒരു സ്ത്രീയും കുട്ടിയും ഉള്‍പ്പെടുന്നു. ചില വീടുകള്‍ക്കും നാല് വാഹനങ്ങള്‍ക്കും സംഭവത്തില്‍ കേടുപാടുകള്‍ പറ്റിയിട്ടുണ്ട്.
Post Your Comments