തിരുവനന്തപുരം: രാഹുല്‍ഗാന്ധി കേരളത്തിൽ മത്സരിക്കുന്നത് തടയാൻ ഡല്‍ഹിയില്‍ ചിലര്‍ നാടകം കളിക്കുന്നു എന്ന മുല്ലപ്പള്ളി രാമചന്ദ്രന്റെ പ്രസ്താവനയെ തള്ളി രമേശ് ചെന്നിത്തല. അതേപ്പറ്റി തനിക്ക് അറിയില്ലെന്നും മുല്ലപ്പള്ളിയുടെ പ്രസ്താവന ശ്രദ്ധയില്‍പ്പെട്ടിട്ടില്ലെന്നും ചെന്നിത്തല വ്യക്തമാക്കി. രാഹുല്‍ഗാന്ധിയെ പോലുള്ള ശക്തനായ നേതാവ് ദക്ഷിണേന്ത്യയില്‍ മല്‍സരിച്ചാല്‍ മതേതര ശക്തികള്‍ക്ക് വന്‍ പിന്തുണ കിട്ടും എന്നതിന്റെ അടിസ്ഥാനത്തിലാണ് അദ്ദേഹം കേരളത്തില്‍ മല്‍സരിക്കണമെന്ന് ആവശ്യപ്പെട്ടത്. അദ്ദേഹം ഇതുവരെ മല്‍സരിക്കില്ലെന്ന് പറഞ്ഞിട്ടില്ല. അല്‍പ്പം കൂടി കാത്തിരിക്കാം. പോസ്റ്റീവായ മറുപടി ഉണ്ടാകുമെന്നാണ് ഇപ്പോഴും തന്റെ പ്രതീക്ഷയെന്നും ചെന്നിത്തല കൂട്ടിച്ചേർത്തു.
Post Your Comments