ഗാന്ധിനഗര്‍: അടല്‍ ബിഹാരി വാജ്‌പേയിയും എല്‍കെ അദ്വാനിയും മത്സരിച്ച സീറ്റില്‍ നിന്നും മത്സരിക്കുന്നതില്‍ താന്‍ അനുഗ്രഹീതനാണെന്ന് ബിജെപി ദേശീയാധ്യക്ഷന്‍ അമിത് ഷാ.
ഗുജറാത്ത് തലസ്ഥാനമായ ഗാന്ധിനഗറില്‍ നിന്ന് മത്‌സരിക്കുന്ന അമിത് ഷാ ഇന്ന് നാമ നിര്‍ദേശ പത്രിക നല്‍കും. പത്രിക നല്‍കുന്നതിന്റെ ഭാഗമായി വലിയ ശക്തിപ്രകടനമാണ് ഗാന്ധിനഗറില്‍ ബിജെപി ഇന്ന് നടത്തുന്നത്.
ഗാന്ധിനഗറില്‍ റോഡ് ഷോ നട്തതിയതിന് ശേഷമാണ് അദ്ദേഹം പത്രിക സമര്‍പ്പിക്കുന്നത്. അഹമ്മദാബാദിലെ നാരാണ്‍പുര മേഖലയില്‍ സര്‍ദാര്‍ വല്ലഭായ് പട്ടേല്‍ പ്രതിമക്ക് സമീപത്തു നിന്നാരംഭിക്കുന്ന റോഡ് ഷോ നാല് കിലോ മീറ്റര്‍ ദൂരം സഞ്ചരിക്കും
രാജ്യസഭാ എംപിയായ അമിത്ഷാ ആദ്യമായാണ് ലോക് സഭയിലേക്ക് മത്‌സരിക്കുന്നത്. മുതിര്‍ന്ന നേതാവ് എല്‍.കെ അദ്വാനി ആറ് തവണ വിജയിച്ച സീറ്റിലാണ് അമിത്ഷാ മത്‌സരിക്കുന്നത്. .
Post Your Comments