വനിതാ ഫുട്‌ബോള്‍ ചാമ്പ്യന്‍സ് ലീഗ് ക്വാര്‍ട്ടറില്‍ ഫ്രഞ്ച് ക്ലബായ ഒളിമ്പിക് ലിയോണും. ഇന്ന് നടന്ന രണ്ടാം പാദ ക്വാര്‍ട്ടറില്‍ വോള്‍വ്‌സ് ബര്‍ഗിനെ തകര്‍ത്താണ് ലിയോണ്‍ സെമിയിലേക്ക് കടന്നത്. രണ്ടിനെതിരെ നാലു ഗോളുകള്‍ക്കായിരുന്നു ലിയോണിന്റെ വിജയം. ജര്‍മനിയില്‍ വെച്ചായിരുന്നു മത്സരം.
അഗ്രിഗേറ്റ് സ്‌കോര്‍ 6-3 മാണ്. കഴിഞ്ഞ മാസം നടന്ന ആദ്യ പാദ പോരാട്ടത്തില്‍ വോള്‍വ്‌സ്ബര്‍ഗിനെ ഒന്നിനെതിരെ രണ്ടു ഗോളുകള്‍ക്ക് ലിയോണ്‍ തോല്‍പ്പിച്ചിരുന്നു. ഇന്ന് ലിയോണിനായി ലെ സോമര്‍ രണ്ട് ഗോളുകളും റെനാര്‍ഡ്, മറോസണ്‍ എന്നിവര്‍ ഒരോ ഗോളും നേടി. കഴിഞ്ഞ ചാമ്പ്യന്‍സ് ലീഗ് ഫൈനലിന്റെ ആവര്‍ത്തനമായിരുന്നു ഈ മത്സരം. ആ ഫൈനലിലും വോള്‍വ്‌സ്ബര്‍ഗിനെ ലിയോണ്‍ തോല്‍പ്പിച്ചിരുന്നു. അവസാന മൂന്നു സീസണിലും ചാമ്പ്യന്‍സ് ലീഗ് കിരീടം നേടിയ ടീമാണ് ലിയോണ്‍. സെമിയില്‍ ചെല്‍സിയോ പി എസ് ജിയോ ആകും ലിയോണിന്റെ എതിരാളികളാകുന്നത്.
Post Your Comments