ദേശീയ തലത്തില്‍ വിദ്യാര്‍ത്ഥി പ്രതിഭകളെ കണ്ടെത്താന്‍ നാഷണല്‍ ടാലന്റ് സേര്‍ച്ച്‌

ദേ ശീയ തലത്തില്‍ പ്രതിഭാശാലികളായ ഹൈസ്‌കൂള്‍ വിദ്യാര്‍ത്ഥികളെ കണ്ടെത്തുന്ന നാഷണല്‍ ടാലന്റ് സേര്‍ച്ച്‌ പരീക്ഷക്കായുളള പരിശീലനത്തിനായുളള അപേക്ഷ ക്ഷണിച്ചു. ഒന്നാംഘട്ട പരീക്ഷാ പരിശീലനം നവംബറിലാണ് നടക്കുക.

സെന്റര്‍ ഫോര്‍ കണ്ടിന്യൂയിംഗ് എജ്യൂക്കേഷന്‍ കേരളയുടെ കീഴില്‍ പ്ലാമൂട്, ചാരാച്ചിറയിലുള്ള കേരള സ്റ്റേറ്റ് സിവില്‍ സര്‍വീസ് അക്കാഡമിയിലും പാലക്കാട് സബ് സെന്ററിലും പത്താം ക്ലാസ്സ് വിദ്യാര്‍ത്ഥികള്‍ക്ക് കോഴ്‌സില്‍ ചേരാം. ഏപ്രില്‍ 28 മുതല്‍ ഒക്‌ടോബര്‍ അവസാനം വരെയാണ് കോഴ്‌സ്. എല്ലാ ഞായറാഴ്ചകളിലും രണ്ടാം ശനിയാഴ്ചകളിലുമാണ് ക്ലാസ്സ്.

ജി.എസ്.ടി. ഉള്‍പ്പെടെ 5900 രൂപയാണ് ഫീസ്. അപേക്ഷാ ഫോം മാര്‍ച്ച്‌ 28 മുതല്‍ ചാരാച്ചിറയിലെ സിവില്‍ സര്‍വീസ് അക്കാഡമി മെയിന്‍ സെന്ററിലും പാലക്കാട്ടെ സബ് സെന്ററിലും ലഭിക്കും.

അവസാന തിയതി ഏപ്രില്‍ 27. വിലാസം: ഡയറക്ടര്‍, സെന്റര്‍ ഫോര്‍ കണ്ടിന്യൂയിംഗ് എജ്യൂക്കേഷന്‍ കേരള, ആനത്തറ ലെയിന്‍, ചാരാച്ചിറ, കവടിയാര്‍ പി.ഒ., തിരുവനന്തപുരം. ഫോണ്‍: 0471-2313065, 2311654 വെബ്‌സൈറ്റ്: www.ccek.org, www.kscsa.org