ഒഡീഷ: ലോക്സഭാ തെരഞ്ഞെടുപ്പ് അടുത്തിരിക്കെ കോണ്‍ഗ്രസിന് തലവേദന സൃഷ്ടിച്ച്‌ നേതാക്കന്മാരുടെ കൊഴിഞ്ഞുപോക്ക് തുടരുന്നു. ഒഡീഷയിലെ കോണ്‍ഗ്രസ് എംഎല്‍എ പ്രകാശ് ചന്ദ്ര ബെഹ്റയാണ് ഏറ്റവുമൊടുവില്‍ കോണ്‍ഗ്രസ് അംഗത്വം രാജിവച്ചത്. കട്ടക്ക് ജില്ലയിലെ സലേപ്പൂരില്‍ നിന്നുള്ള എംഎല്‍എ ആയിരുന്നു പ്രകാശ് ചന്ദ്ര ബെഹ്റ. കഴിഞ്ഞ ദിവസങ്ങളിലും കോണ്‍ഗ്രസ് നേതാക്കള്‍ പാര്‍ട്ടിവിട്ട് ബിജെപി അംഗത്വമെടുത്തിരുന്നു.
ചന്ദ്ര ബെഹ്റ പക്ഷേ, ബിജെപി പാളയത്തിലേക്കാണോ എന്ന് വ്യക്തമായിട്ടില്ല. മുതിര്‍ന്ന കോണ്‍ഗ്രസ് വക്താവ് ടോം വടക്കന്‍, ഹരിയാനയിലെ മുതിര്‍ന്ന കോണ്‍ഗ്രസ് നേതാവും മൂന്നു തവണ എംപിയുമായിരുന്ന അരവിന്ദ് ശര്‍മ എന്നിവരാണ് കഴിഞ്ഞ ദിവസം പാര്‍ട്ടിയില്‍ നിന്ന് രാജിവച്ച്‌ ബിജെപിയില്‍ ചേര്‍ന്നത്.കോണ്‍ഗ്രസ് അധ്യക്ഷ സോണിയ ഗാന്ധിക്ക് പ്രകാശ് ചന്ദ്ര ബെഹ്റ രാജിക്കത്ത് കൈമാറി. എന്നാല്‍, ഇതേക്കുറിച്ച്‌ കോണ്‍ഗ്രസ് നേതൃത്വം ഇതുവരെ പ്രതികരിച്ചിട്ടില്ല.
Post Your Comments