തൃപ്പൂണിത്തുറ: കഞ്ചാവ് കെെവശം സൂക്ഷിച്ചതിന് യുവാവിനെ തൃപ്പൂണിത്തുറയില്‍നിന്ന് എക്സൈസ് സംഘം പിടികൂടി. ചാവക്കാട് സ്വദേശി ഷമീറി(35) ആണ് പിടിയിലായത്. കൃത്യത്തിന് ഉപയോഗിച്ച കാറും കസ്റ്റഡിയിലെടുത്തിട്ടുണ്ട്. വര്‍ഷങ്ങളായി കഞ്ചാവു വില്പനയില്‍ സജീവമായ പ്രതി കോയന്പത്തൂരില്‍നിന്ന് കടത്തുന്ന കഞ്ചാവാണ് എറണാകുളത്തെയും പരിസര പ്രദേശങ്ങളിലെയും കോളജ് വിദ്യാര്‍ഥികള്‍ക്കും മറ്റുമായി വിറ്റിരുന്നത്.
തൃപ്പൂണിത്തുറ റേഞ്ച് എക്സൈസ് ഇന്‍സ്പെക്ടറും സംഘവും, എക്സൈസ് ഇന്‍റലിജന്‍സും ചേര്‍ന്നുളള റെയ്ഡിലാണ് പ്രതി വലയിലായത്.
Post Your Comments