അജ്മാന്‍: ഷോപ്പിംങ്മാൾ സന്ദർശിച്ച് അജ്മാൻ ഭരണാധികാരി . അജ്മാന്‍ ഭരണാധികാരിയുടെ നഗരമധ്യത്തിലെ ഷോപ്പിംഗ് മാള്‍ സന്ദര്‍ശിക്കാനെത്തിയ ചിത്രങ്ങൾ വൈറലാകുന്നു. അപ്രതീക്ഷിതമായി യു.എ.ഇ സുപ്രീം കൗണ്‍സില്‍ അംഗവും അജ്മാന്‍ ഭരണാധികാരിയുമായ ശൈഖ് ഹുമൈദ് ബിന്‍ റാഷിദ് അല്‍ നുഐമിയാണ് ഷോപ്പിംഗ് മാളില്‍ എത്തിയത്.
ഭരണാധികാരി അജ്മാന്‍ നഗരഹൃദയത്തിലെ ശൈഖ് ഖലീഫ ഖലീഫ ബിന്‍ സായിദ് റോഡില്‍ പ്രവര്‍ത്തിക്കുന്ന ഗ്രാന്‍ഡ്‌ മാളാണ് സന്ദര്‍ശിച്ചത്.
വാണിജ്യ സ്ഥാപനങ്ങള്‍, മെഡിക്കല്‍ സെൻറര്‍, ഭക്ഷണശാലകൾ, നിരവധി സിനിമാ തിയറ്ററുകള്‍ എന്നിവ പ്രവര്‍ത്തിക്കുന്ന മാളിന്റെ പ്രവര്‍ത്തനം, പുതുതായി നടന്നു കൊണ്ടിരിക്കുന്ന നിര്‍മ്മാണങ്ങള്‍ എന്നിവ അദ്ദേഹം വിലയിരുത്തി. അജ്മാന്‍ നഗരസഭ ആസൂത്രണ വകുപ്പ് ചെയര്‍മാന്‍ ശൈഖ് റാഷിദ് ബിന്‍ ഹുമൈദ് അല്‍ നുഐമി അടക്കം നിരവധി പ്രമുഖ വ്യക്തിത്വങ്ങള്‍ അദ്ദേഹത്തെ അനുഗമിച്ചു.
Post Your Comments