ഇ.എസ്.ഐ. കോര്‍പ്പറേഷനില്‍ വിവിധ തസ്തികകളിലേക്ക് അപേക്ഷ ക്ഷമിച്ചു

എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പ്പറേഷനില്‍ (ഇ.എസ്.ഐ. സി.) നിലവിലുള്ള അപ്പര്‍ ഡിവിഷന്‍ ക്ലാര്‍ക്ക് ,സ്റ്റെനോഗ്രാഫര്‍ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു.കേരളമുള്‍പ്പെടുന്ന 23 റീജനുകളിലും ഡല്‍ഹിയിലെ മൂന്ന് ഓഫീസുകളിലുമായി ആകെ 1870ഒഴിവുകളാണുള്ളത്. യു.ഡി. ക്ലാര്‍ക്ക്,1709 സ്റ്റെനോ; 161 എന്നിങ്ങനെയാണ് ഒഴിവുകള്‍.കേരള റീജനില്‍ 64 ഒഴിവുകളാണുള്ളത്.അപ്പര്‍ ഡിവിഷന്‍ ക്ലാര്‍ക്ക് 61 (ജനറല്‍ 34, എസ്.സി.9, ഒ.ബി.സി. 12, ഇ.ഡബ്ല്യു.എസ്. 6), സ്റ്റെനോഗ്രാഫര്‍ 3 (ജനറല്‍ 1, ഒ.ബി.സി.1, ഇ.ഡബ്ല്യു.എസ്.1) എന്നിങ്ങനെയാണ് കേരളത്തിലെ ഒഴിവുകള്‍. കേരള ഒഴിവില്‍ യു.ഡി. ക്ലാര്‍ക്ക് തസ്തികയില്‍ വിമുക്തഭടന്മാര്‍ക്കും ഭിന്നശേഷിക്കാര്‍ക്കും സംവരണമുണ്ട്. രണ്ട് ഘട്ടങ്ങളിലായുള്ള എഴുത്തുപരീക്ഷ, കംപ്യൂട്ടര്‍ സ്‌കില്‍ ടെസ്റ്റ് എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്.

അംഗീകൃത സര്‍വകലാശാല ബിരുദം/ തത്തുല്യം, കംപ്യൂട്ടര്‍ പരിജ്ഞാനം എന്നിവയാണ് യോഗ്യത യു.ഡി.ക്ലാര്‍ക്കിന് വേണ്ട യോഗ്യത. സ്റ്റെനോഗ്രാഫര്‍ക്ക് പന്ത്രണ്ടാം ക്ലാസ്സ് വിജയം. മിനുട്ടില്‍ 80 ഇംഗ്ലീഷ്/ ഹിന്ദി വാക്ക് സ്റ്റെനോഗ്രാഫി വേഗം. കംപ്യൂട്ടര്‍ പരിജ്ഞാനം. പ്രായം പരിധി 18-27 നുമിടയില്‍.സംവരണ വിഭാഗങ്ങള്‍ക്ക് ഉയര്‍ന്ന പ്രായപരിധിയില്‍ ചട്ടപ്രകാരമുള്ള ഇളവുലഭിക്കും. 2019 ഏപ്രില്‍ 15 അടിസ്ഥാനമാക്കിയാണ് പ്രായം കണക്കാക്കുക.അപേക്ഷ സ്വീകരിക്കുന്നഅവസാന തീയതി: ഏപ്രില്‍ 15 അപേക്ഷാഫീസ്: 500 രൂപ. വനിതകള്‍ക്കും എസ്.സി., എസ്.ടി, വിഭാഗക്കാര്‍ക്കും ഭിന്നശേഷിക്കാര്‍ക്കും വിമുക്തഭടര്‍ക്കും 250 രൂപ.ഓണ്‍ലൈനായാണ് ഫീസ് അടയ്ക്കേണ്ടത്.അപേക്ഷിക്കേണ്ട വിധം: www.esic.nic.in എന്ന വെബ്സൈറ്റ് വഴി ഓണ്‍ലൈനായി അപേക്ഷിക്കണം.വിശദവിവരങ്ങള്‍ക്കും അപേക്ഷിക്കുന്നതിനും www.esic.nic.in എന്ന വെബ്സൈറ്റ് സന്ദര്‍ശിക്കുക.