മികച്ച തുടക്കവുമായി ഇന്ത്യ; അര്‍ദ്ധ സെഞ്ചുറി നേടി ധവാന്‍

മൊഹാലി: ഓസ്ട്രേലിയക്കെതിരെ നാലാം ഏകദിനത്തില്‍ ഇന്ത്യക്ക് മികച്ച തുടക്കം. ടോസ് നേടി ബാറ്റിംങ് തെരഞ്ഞെടുത്ത ഇന്ത്യക്കുവേണ്ടി ശിഖര്‍ ധവാന്‍ 44 പന്തില്‍ അര്‍ധ സെഞ്ചുറി നേടി. 16 ഓവര്‍ പൂര്‍ത്തിയായപ്പോള്‍ വിക്കറ്റ് നഷ്ടമില്ലാതെ ഇന്ത്യ 95 റണ്‍സിലെത്തിയിട്ടുണ്ട്.ഏകദിനത്തില്‍ ഏറ്റവും കൂടുതല്‍ റണ്‍സ് നേടുന്ന ഇന്ത്യന്‍ കൂട്ടുകെട്ടിന്റെ കാര്യത്തില്‍ സച്ചിന്‍-സേവാഗ് ജോഡിയെ മറികടന്ന് ധവാന്‍-രോഹിത് ജോഡി രണ്ടാമതെത്തി.ധവാന്‍ തകര്‍ത്തടിച്ച് തുടങ്ങിയപ്പോള്‍ രോഹിത് ക്ഷമയോടെയാണ് ബാറ്റിംഗാരംഭിച്ചത്.

https://twitter.com/rakeshs32298454/status/1104673273608957953

ആദ്യ പവര്‍പ്ലേയില്‍ ഇന്ത്യ 58 റണ്‍സെടുത്തു.നാല് മാറ്റങ്ങളുമായാണ് ഇന്ത്യയിറങ്ങുന്നത്. മഹേന്ദ്ര സിങ് ധോണിക്ക് വിശ്രമം അനുവദിച്ചതോടെ ഋഷഭ് പന്തിനാണ് വിക്കറ്റ് കീപ്പറുടെ ചുമതല. അമ്പാട്ടി റായ്ഡുവിന് പകരം കെ.എല്‍ രാഹുലും ഷമിക്ക് പകരം ഭുവനേശ്വര്‍ കുമാറും ജഡേജക്ക് പകരം ചാഹലും ടീമിലെത്തി.പരമ്പരയില്‍ 2-1ന് മുന്നിലുള്ള ഇന്ത്യക്ക് ഇന്ന് ജയിച്ചാല്‍ പരമ്പര സ്വന്തമാക്കാനാകും. അതേസമയം ഇന്ത്യക്കൊപ്പമെത്താനുള്ള ശ്രമത്തിലാണ് ഓസീസ്.