ഈ മേഖലയിലെ പാസ്പോര്‍ട്ട് സേവാ കേന്ദ്രം രണ്ടാം ശനിയാഴ്ചയും തുറന്ന് പ്രവര്‍ത്തിക്കും

ചെങ്ങന്നൂര്‍ പാസ്പോര്‍ട്ട് സേവാ കേന്ദ്രം രണ്ടാം ശനിയാഴ്ചയായ മാര്‍ച്ച് 9 നും കൂടാതെ അതിനടുത്തുവരുന്ന ശനിയാഴ്ചയായ 23 -ാം തീയതിയും തുറന്ന് പ്രവര്‍ത്തിക്കുമെന്ന് റീജ്യണല്‍ പാസ്പോര്‍ട്ട് ഓഫീസര്‍ അറിയിച്ചു. അപേക്ഷാര്‍ത്ഥികളുടെ സൗകര്യാര്‍ത്ഥമാണ് ഈ തിയതികളിലും തുറന്ന് പ്രവര്‍ത്തിക്കുന്നതെന്ന് അധികൃതര്‍.

ഈ ദിവസങ്ങളിലേക്കുള്ള അപ്പോയിന്റ്മെന്റ് https://www.passportindia.gov.in എന്ന വെബ്സൈറ്റിലൂടെയും, mPassport Seva എന്ന മൊബൈല്‍ ആപ്ലിക്കേഷനിലൂടെയും ഓണ്‍ലൈനായി ബുക്ക് ചെയ്യാം. പാസ്പോര്‍ട്ട് ഓഫീസ് എന്നയിടത്ത് RPO COCHIN എന്ന് സെലക്‌ട് ചെയ്താണ് ബുക്കിങ്ങ് നടപടി നടത്തേണ്ടത്. കൂടുതല്‍ വിവരത്തിന് 9447731152 എന്ന നമ്പരില്‍ വിളിക്കുകയോ വാട്ട്സാപ്പ് ചെയ്യുകയോ ചെയ്യാം.