ന്യൂഡല്‍ഹി: പഞ്ചാബിലെ അമൃത്സറില്‍ റെയില്‍വേ ട്രാക്ക് ഉപരോധിച്ച് കർഷകരുടെ പ്രതിഷേധം. കര്‍ഷക പ്രതിഷേധത്തെതുടര്‍ന്ന് 25 ഓളം ട്രെയിനുകള്‍ റദ്ദാക്കിയതായും ഏഴ് ട്രെയിനുകൾ വഴി തിരിച്ച് വിട്ടതായും റെയിൽവേ അറിയിച്ചു. സ്വാമിനാഥന്‍ കമ്മിഷന്‍ റിപ്പോര്‍ട്ട് നടപ്പാക്കണമെന്നതടക്കമുള്ള ആവശ്യങ്ങള്‍ ഉന്നയിച്ചാണ് കർഷകർ പ്രതിഷേധിക്കുന്നത്. ന്യൂഡല്‍ഹി-അമൃത്സര്‍ ശതാബ്ദി എക്സ്പ്രസും ന്യൂഡല്‍ഹി-അമൃത്സര്‍ ഷാന്‍-ഇ-പഞ്ചാബ് എക്സ്പ്രസും കര്‍ഷകസമരത്തെ തുടര്‍ന്ന് പകുതി വഴിയിൽ നിര്‍ത്തിയിട്ടിരിക്കുകയാണ്.
Post Your Comments