മെല്‍ബണ്‍: ഓസ്‌ട്രേലിയയില്‍ വന്‍ തീപിടുത്തം. ഓസ്ട്രേലിയയിലെ വിക്ടോറിയ സംസ്ഥാനത്താണ് കാട്ടുതീ പടന്നു പിടിച്ചത്. അപകടത്തില്‍ പ്രദേശത്തെ നിരവധി വീടുകള്‍ കത്തി നശിച്ചു. അതേസമയം ആളപായമൊന്നും റിപ്പോര്‍ട്ട് ചെയ്തിട്ടില്ല.
വെള്ളിയാഴ്ച മുതലാണ് കാട്ടുതീ പടരാന്‍ തുടങ്ങിയത്. നൂറിലധികം അഗ്നിശമന സേനാ യൂണിറ്റുള്‍ തീ അണക്കാനുള്ള തീവ്ര ശ്രമത്തിലാണ്. അതേസമയം അപകടത്തില്‍ 10,000 ഹെക്ടറോളം സ്ഥലം കത്തി നശിച്ചിട്ടുണ്ടെന്നാണ് സൂചന.
അതേസമയം കാറ്റിന് ശമനം വന്നതോടെ രക്ഷാപ്രവര്‍ത്തനം ദ്രുതഗതിയിലാക്കാന്‍ അധികൃതര്‍ക്ക് കഴിഞ്ഞിട്ടുണ്ട്. എന്നാല്‍ എപ്പോള്‍ വേണമെങ്കിും സാഹചര്യം പ്രതികൂലമാകാമെന്നും എല്ലാവരും കരുതലോടെ ഇരിക്കണമെന്നും അധികൃതര്‍ മുന്നറിയിപ്പ് നല്‍കിയിട്ടുണ്ട്. തീപിടുത്തത്തില്‍ ഏഴു വീടുകള്‍ പൂര്‍ണമായും കത്തി നശിച്ചതായാണ് വിവരം.
Post Your Comments