ന്യൂഡല്‍ഹി: ഡല്‍ഹിയില്‍ സ്ഥാനാര്‍ഥികളെ പ്രഖ്യാപിച്ച്‌ എഎപി. ഈസ്റ്റ് ഡല്‍ഹിയില്‍ അതിഷി മര്‍ലിന, സൗത്ത് ഡല്‍ഹിയില്‍ രാഘവ് ഛദ്ദ, ചാന്ദ്നി ചൗക്കില്‍ പങ്കജ് ഗുപ്ത, നോര്‍ത്ത് ഈസ്റ്റ് ഡല്‍ഹിയില്‍ ദിലീപ് പാണ്ഡേ, നോര്‍ത്ത് വെസ്റ്റ് ഡല്‍ഹിയില്‍ ഗഗന്‍ സിംഗ്, ന്യൂഡല്‍ഹി മണ്ഡലത്തില്‍ ബ്രജേഷ് ഗോയല്‍ എന്നിവരാണ് എഎപി സ്ഥാനാര്‍ഥികള്‍. ശേഷിക്കുന്ന ഒരു മണ്ഡലത്തിലെ സ്ഥാനാര്‍ഥിയെ സംബന്ധിച്ചു ചര്‍ച്ചകള്‍ തുടരുകയാണെന്നും ഇത് സംബന്ധിച്ച്‌ പിന്നീട് പ്രഖ്യാപനമുണ്ടാകുമെന്ന് മുതിര്‍ന്ന ആം ആദ്മി പാര്‍ട്ടി നേതാവ് ഗോപാല്‍ റായ് അറിയിച്ചു.
അതേസമയം മഹാസഖ്യം രൂപീകരിക്കാത്തതില്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്കു നേരെ ഗോപാല്‍ റായ് വിമര്‍ശനമുന്നയിച്ചു. ഡല്‍ഹി പിസിസി അധ്യക്ഷ ഷീല ദീക്ഷിതിനും രാഹുല്‍ ഗാന്ധിക്കും സഖ്യത്തില്‍ താത്പര്യമില്ലെന്നും എഎപി സഖ്യത്തിന് തയാറാണെന്നും അദ്ദേഹം കൂട്ടിച്ചേർത്തു.
Post Your Comments