കച്ച്: ഗുജാറാത്ത് അതിര്‍ത്തിയില്‍ പാക്കിസ്ഥാന്റെ ഡ്രോണ്‍ ഇന്ത്യന്‍ സൈന്യം വെടിവെച്ചിട്ടു. പുല്‍വാമ ആക്രമത്തിനു തിരിച്ചടിയായി ഇന്ത്യ ഇന്ന് പാക്കിസ്ഥാന്‍ ഭീകര കേന്ദ്രങ്ങളില്‍ നടത്തിയ വ്യോമാക്രമണത്തിന് തൊട്ടു പിന്നാലെയാണ് ഗുജറാത്തിലെ കച്ചില്‍ ഡ്രോണ്‍ സൈന്യം വെടിവെച്ചു വീഴ്ത്തിയത്. ഇന്ന് രാവിലെ 6.30നാണ് സംഭവം. പാകിസ്ഥാന്റെ സര്‍വൈലന്‍സ് ഡ്രോണ്‍ ആണ് വെടിവെച്ചിട്ടതെന്നാണ് സൂചന.
ഇന്ന് പുലര്‍ച്ചെ മൂന്നു മണിക്കാണ് ഇന്ത്യന്‍ വ്യോമ സേന പാകിസ്ഥാനില്‍ ആക്രമണം നടത്തിയത്. ആക്രമണത്തില്‍ പാകിസ്ഥാനില്‍ 300-ഓളം പേര്‍ കൊല്ലപ്പെട്ടതയാണ് സൂചന. 12 മിറാഷ് 2000 വിമാനങ്ങളാണ് ദൗത്യത്തില്‍ പങ്കെടുത്തത്. 1000 കിലോ ബോംബുകള്‍ പാക് മേഖലയില്‍ വര്‍ഷിച്ചു. ജെയ്ഷെ ഇ മുഹമ്മദ് കണ്‍ട്രോള്‍ റൂമുകളാണ് സേന തകര്‍ത്തത്.
Post Your Comments