യുവതിയെ കൂട്ട മാനഭംഗം ചെയ്ത സംഭവം ; പ്രതികൾ പിടിയിലായി

ആര്യനാട്: യുവതിയെ കൂട്ട മാനഭംഗം ചെയ്ത സംഭവത്തിൽ പ്രതികൾ പിടിയിലായി. വെള്ളനാട് ചക്കിപ്പാറ ഷൈൻ ഭവനിൽ ജസ്റ്റിൻ ലാസർ(32), പുനലാൽ കുറക്കോട് ബിബിൻ ഭവനിൽ ജോയി എന്ന സാംജിരാജ്(38) എന്നിവരെയാണ് ആര്യനാട് പോലീസ് പിടികൂടിയത്. ഒരാൾ ഒളിവിലാണ്.

ഫേസ്‌ബുക്കിലൂടെ പരിചയപ്പെട്ട യുവതിയെയാണ് പീഡിപ്പിച്ചത്. 27 വയസ്സുള്ള ഉറിയാക്കോട് സ്വദേശിനിയാണ് പരാതിക്കാരി. കഴിഞ്ഞ 15ന് രാത്രിയാണ് സംഭവം. വിവാഹം കഴിക്കാമെന്ന് പറഞ്ഞ് ആലുവയിലേക്ക് പോകാൻ തിരുവനന്തപുരം റയിൽവേ സ്റ്റേഷനിൽ ചെന്ന യുവതിയെ സുഹൃത്തായ ജസ്റ്റിൻ ലാസർ ബൈക്കിൽ പുനലാലിൽ എത്തിക്കുകയായിരുന്നുവെന്ന് പോലീസ് പറഞ്ഞു. തുടർന്നാണ് മൂന്നുപേരും ചേർന്ന് പീഡിപ്പിച്ചത്.