മിലാന്‍ : ഇന്റര്‍ മിലാന്‍ മുന്‍ ക്യാപ്റ്റനും അര്‍ജ്ജന്റീന സ്‌ടൈക്കറുമായ ഇക്കാര്‍ഡിക്കായി വലവീശി വമ്പന്‍ ക്ലബുകള്‍ രംഗത്ത്. റയല്‍ മാഡ്രിഡ്, യുവന്റസ്, മാഞ്ചസ്റ്റര്‍ യുണൈറ്റഡ്, ചെല്‍സി ക്ലബുകളാണ് ഇക്കാര്‍ഡിയെ സ്വന്തമാക്കാന്‍ ശ്രമിക്കുന്നത്.
രണ്ടാഴ്ച മുമ്പ് ഇക്കാര്‍ഡിയെ ഇന്റര്‍ മിലാന്‍ ക്യാപ്റ്റന്‍ സ്ഥാനത്ത് നിന്ന് മാറ്റിയിരുന്നു. തുടര്‍ന്നാണ് താരം ക്ലബുമായി അകന്നത്.
അതിനു ശേഷം ഇതുവരെ ഇക്കാര്‍ഡി ടീമിനായി കളിച്ചിട്ടില്ല. ഇക്കാര്‍ഡി ഇനി ഇന്റര്‍ ജേഴ്‌സിയില്‍ കളിക്കമെന്നുണ്ടെങ്കില്‍ ക്യാപ്റ്റന്‍ സ്ഥാനം തിരികെ നല്‍കണമെന്ന് ഭാര്യയും ഏജന്റുമായ വാന്‍ഡ നാര ക്ലബ് അധികൃതരെ അറിയിച്ചിരുന്നു. ഇതിനെ തുടര്‍ന്നാണ് ഇക്കാര്‍ഡി ക്ലബ് മാറുവാന്‍ തയ്യാറെടുക്കുന്നതായി വാര്‍ത്തകള്‍ പുറത്ത് വരുന്നത്. യുവന്റസിലേക്ക് ചേക്കേറിയ ക്രിസ്റ്റ്യാനോ റൊണാള്‍ഡോയ്ക്ക് പകരം ഇക്കാര്‍ഡിയെ ടീമിലെത്തിക്കാമെന്നാണ് റയല്‍ മാഡ്രിഡിന്റെ പ്രതീക്ഷ.
Post Your Comments