തൊടുപുഴ നഗരസഭയില്‍ എല്‍.ഡി.എഫിന് ഭരണം നഷ്ടപ്പെട്ടു , പണി കൊടുത്തത് ബിജെപി

തൊടുപുഴ നഗരസഭയില്‍ എല്‍.ഡി.എഫിന് ഭരണം നഷ്ടപ്പെട്ടു. വോട്ടെടുപ്പില്‍ നിന്നും ബി.ജെ.പി വിട്ടു നിന്നതിനെ തുടർന്ന് . യു.ഡി.എഫിനാണ് പുതിയ ഭരണം ലഭിച്ചത്. കേരളാ കോണ്‍ഗ്രസ് എമ്മിലെ ജെസ്സി ആന്റണിയാണ് ചെയര്‍പേഴ്‌സണായി സ്ഥാനമേറ്റത്. ഒരു വോട്ടിനാണ് എല്‍.ഡി.എഫിനെ യു.ഡി.എഫ് പരാജയപ്പെടുത്തിയത്. തിരഞ്ഞെടുപ്പില്‍ 35 സീറ്റുകളായിരുന്നു ഉണ്ടായിരുന്നത്. 14 സീറ്റ് യു.ഡി.എഫിനും, 13 സീറ്റ് എല്‍.ഡി.എഫിനും, 8 സീറ്റ് ബി.ജെ.പിക്കുമാണ് ലഭിച്ചത്.

ബിജെപി വിട്ടു നിന്നതോടെ യുഡി എഫ് ഭരണം പിടിക്കുകയായിരുന്നു. ഇടതുപക്ഷത്തിന്റെ മിനി മധുവിനെ തോല്‍പ്പിച്ചാണ് ജെസ്സി ആന്റണി ചെയര്‍പേഴ്‌സണായത്. 8 മാസത്തെ ഇടവേളയ്ക്ക് ശേഷമാണ് യു.ഡി.എഫിന് ഭരണം ലഭിക്കുന്നത്. അന്ന് നടന്ന അവിശ്വാസ പ്രമേയത്തില്‍ എല്‍.ഡി.എഫിനും യു.ഡി.എഫിനും തുല്യ വോട്ട് ലഭിച്ചപ്പോള്‍ നറുക്കെടുപ്പിലൂടെയായിരുന്നു എല്‍.ഡി.എഫിന് ഭരണം ലഭിച്ചത്.