ഇന്ത്യയുടെ ആദ്യ സെമി-ഹൈ സ്​പീഡ്​ ട്രെയിന്‍ ഫ്ലാഗ്​ ഓഫ്​ ചെയ്​ത് പ്രധാനമന്ത്രി

ന്യൂഡല്‍ഹി: ഇന്ത്യയുടെ ആദ്യ സെമി-ഹൈ സ്​പീഡ്​ ട്രെയിനായ വന്ദേ ഭാരത്​ എക്​സ്​പ്രസിന്റെ ഫ്ലാഗ്​ ഓഫ്​ ന്യൂഡല്‍ഹി റെയില്‍വേ സ്​റ്റേഷനിൽ നിർവഹിച്ച്‌ പ്രധാനമന്ത്രി നരേന്ദ്രമോദി. പുൽവാമയിൽ സിആർപിഎഫ് ജവാന്മാർക്ക് നേരെയുണ്ടായ ആക്രമണത്തെ തുടർന്ന് ആഘോഷങ്ങളോ അലങ്കാരങ്ങളോ ഇല്ലാതെയായിരുന്നു ഫ്ലാഗ്​ ഓഫ്​ ചടങ്ങ് നടന്നത്. ട്രെയിനിലെ സൗകര്യങ്ങള്‍ മോദി വിലയിരുത്തി. റെയില്‍വേ മന്ത്രി പിയൂഷ്​ ഗോയല്‍, റെയില്‍വേ ബോര്‍ഡ്​ അംഗങ്ങള്‍ ആദ്യ യാത്രയില്‍ പങ്കെടുത്തു.

ഡല്‍ഹിയില്‍ നിന്ന്​ വാരണാസിയിലേക്ക്​ 9​ മണിക്കൂര്‍ 45 മിനിട്ട്​ കൊണ്ട്​ എത്താൻ പുതിയ ട്രെയിൻ സർവീസിലൂടെ സാധിക്കുന്നു. 160 കിലോ മീറ്റര്‍ വേഗതയിലാണ് വന്ദേ ഭാരത്​ എക്​സ്​പ്രസ് സഞ്ചരിക്കുക. 6 എ.സി കോച്ചുകളുള്ള ട്രെയിനിൽ 1,128 പേര്‍ക്ക് സഞ്ചരിക്കാൻ സാധിക്കും. ഡല്‍ഹി – വാരാണസി എ.സി. ചെയര്‍കാര്‍ യാത്രയ്ക്ക് 1,850 രൂപയും എക്‌സിക്യുട്ടീവ് ക്ലാസിന് 3,520 രൂപയുമാണ് ടിക്കറ്റ്(ഭക്ഷണവിലയും ഉള്‍പ്പെടെ)