പാലക്കാട് : തമിഴ്‌നാട്ടില്‍ നിന്നും മിനിലോറിയില്‍ കേരളത്തിലേക്ക് കടത്താന്‍ ശ്രമിച്ച 2,240 ലിറ്റര്‍ സ്പിരിറ്റ് പിടികൂടി. സംഭവത്തില്‍ ഒരാള്‍ അറസ്റ്റിലായി. നല്ലേപ്പിള്ളി സ്വദേശി രതീഷ് (32) ആണ് പിടയിലായത്. കൊഴിഞ്ഞാമ്പാറ കുലുക്കപ്പാറയില്‍ ചൊവ്വാഴ്ച വൈകിട്ട് 4.30 നാണ് 35 ലിറ്ററിന്റെ 64 കന്നാസുകളില്‍ സ്പിരിറ്റുമായി തമിഴ്‌നാട് രജിസ്‌ട്രേഷനിലുള്ള മിനിലോറി കണ്ടെത്തിയത്.
കൊഴിഞ്ഞാമ്പാറ സ്‌പെഷ്യല്‍ ബ്രാഞ്ച് ഇന്റലിജന്‍സ് വിഭാഗത്തിന് ലഭിച്ച വിവരത്തെത്തുടര്‍ന്നാണ് പരിശോധന. കന്നാസ് അടുക്കിയതിന് മുകളില്‍ ഇരുമ്പ് ഗ്രില്ലുകളും അതിനുമുകളില്‍ പലക അടുക്കിയ നിലയിലുമായിരുന്നു.ഡിവൈഎസ്പി ജി ഡി വിജയകുമാര്‍, കൊഴിഞ്ഞാമ്പാറ എസ്‌ഐ മനോജ് കെ ഗോപി, സിപിഒമാരായ കെ സി അനുരജ്ഞിത്, എസ് സുരേഷ്‌കുമാര്‍, കെ സുരേഷ്‌കുമാര്‍, സി രാമചന്ദ്രന്‍ എന്നിവരുടെ നേതൃത്വത്തിലായിരുന്നു പരിശോധന.
Post Your Comments