തിരുവനന്തപുരം: കെഎസ്ആര്‍ടിസിയില്‍ നിന്ന് പരിച്ചു വിട്ട താത്കാലിക ജീവനക്കാര്‍ നല്‍കിയ ഹര്‍ജിയില്‍ തിരിച്ചടി. താത്കാലിക ജീവനക്കാരുടെ ഹര്‍ജി ഹൈക്കോടതി തള്ളി. പിരിച്ചുവിട്ട നടപടിയെ ചോദ്യം ചെയ്ത് നല്‍കിയ ഹര്‍ജിയാണ് തള്ളിയാത് . അതേസമയം പിഎസ്സി അഡൈ്വസ് മെമ്മോ കിട്ടയവരുടെ അപ്പീല്‍ കോടതി അനുവദിച്ചു. കെഎസ്ആര്‍ടിസില്‍ ഒഴിവുകള്‍ നികത്തേണ്ടത് പിഎസ്സി ആണെന്നും കോടതി ജസ്റ്റിസുമാരായ വി.ചിദംബരേഷ്,നാരായണപിഷാരടി എന്നിവരടങ്ങിയ ഡിവിഷന്‍ ബെഞ്ചാണ് വിധി പ്രസസ്താവിച്ചത്.
അനധികൃതമായി ജീവനക്കാരെ പിരിച്ചു വിട്ടതിനെതിരെയായിരുന്ന താതാകാലിക ജീവനക്കാരുടെ ഹര്‍ജി. പത്തു വര്‍ഷത്തില്‍ കൂടുതല്‍ സര്‍വീസ് ഉള്ളവരോട് കെഎസ്ആര്‍ടിസി പ്രതികാര ബുദ്ധിയാണ് കാണിച്ചത്. മിനിമം വേതനം പോലും അനുവദിച്ചിരുന്നില്ല എന്നും ജീവനക്കാര്‍ ഹര്‍ജിയില്‍ ചൂണ്ടിക്കാട്ടിയിരുന്നു.
480 രൂപ ദിവസവേതനാടിസ്ഥാനത്തില്‍ എംപാനലുകാരെ കൊണ്ട് ജോലി ചെയ്യിപ്പിക്കുന്നത് നിര്‍ബന്ധിത തൊഴിലെടിപ്പിക്കല്‍ ആണെന്ന് നേരത്തേ ഹെക്കോടതിയും ചൂണ്ടിക്കാട്ടിയിരുന്നു. നേരത്തെ കേസ് പരിഗണിച്ച കോടതി പത്തു വര്‍ഷത്തില്‍ കുറവ് സര്‍വീസ് ഉള്ള മുഴുവന്‍ എംപാനല്‍ ജീവനക്കാരെ പിരിച്ചുവിടാന്‍ നിര്‍ദ്ദേശം നല്‍കിയിരുന്നു.
ഇങ്ങനെ വരുന്ന ഒഴിവുകളിലേക്ക് പിഎസ്സി ലിസ്റ്റില്‍ നിന്ന് നിയമനം നടത്താന്‍ വകുപ്പിനോട് ഹൈക്കോടതി ഉത്തരവിട്ടിരുന്നു. തുടര്‍ന്ന് 1421 പേര്‍ ജോലിയില്‍ പ്രവേശിപ്പിച്ചു. ഇതിനിടെ കേസില്‍ കക്ഷിചേരാന്‍ എംപാനല്‍ ജീവനക്കാരെയും ഹൈക്കോടതി അനുവദിച്ചിരുന്നു.
Post Your Comments