വലപ്പാട്: ആഡംബര ബൈക്കില്‍ കഞ്ചാവ് കടത്തുന്നതിനിടെ രണ്ട് യുവാക്കള്‍ പിടിയില്‍. ദേശീയപാതയില്‍ വാഹന പരിശോധന നടത്തുന്നതിനിടെയാണ് രണ്ടേകാല്‍ കിലോ കഞ്ചാവ് ഇവരില്‍ നിന്നും കണ്ടെത്തിയത്. വലപ്പാട് മുരിയാംതോട് നിന്നും പാലക്കാട് ആലത്തൂര്‍ സ്വദേശികളായ പ്രവീണും ദിലീപുമാണ് പിടിക്കപ്പെട്ടത്. വണ്ടി പരിശോധിച്ചപ്പോഴാണ് കഞ്ചാവ് കണ്ടെത്തിയത്. പാലക്കാട്ടുകാരായ രണ്ട് യുവാക്കള്‍ തീരമേഖലയില്‍ കഞ്ചാവ് വില്‍ക്കുന്നതായി എക്‌സൈസ് ഇന്റലിജന്‍സിന് വിവരം ലഭിച്ചിരുന്നു. കഞ്ചാവ് കച്ചവടക്കാര്‍ ഉപയോഗിക്കുന്ന ബൈക്കിന്റെ പേരു സംബന്ധിച്ചു സൂചനയുണ്ടായിരുന്നു. കഞ്ചാവ് വലിച്ച രണ്ടു വിദ്യാര്‍ഥികളെ കഴിഞ്ഞ ദിവസം പൊലീസ് പിടികൂടിയിരുന്നു. ഈ വിദ്യാര്‍ഥികളുടെ മൊഴിയെടുത്തപ്പോഴാണ് കഞ്ചാവ് കച്ചവടക്കാരെക്കുറിച്ച് സൂചന ലഭിച്ചത്. തുടര്‍ന്നാണ് യുവാക്കളെ പൊലീസ് പിടികൂടിയത്.
Post Your Comments