അഹമ്മദാബാദ്: എന്‍ സി പി അദ്ധ്യക്ഷന്‍ ശരദ് പവാറിന്റെയും പ്രഫുല്‍ പട്ടേലിന്റെയും സാന്നിധ്യത്തില്‍ ഗുജറാത്ത് മുന്‍ മുഖ്യമന്ത്രി ശങ്കര്‍ സിംഗ് വഗേല എന്‍ സി പിയില്‍ ചേര്‍ന്നു. 1996-97 കാലയളവില്‍ ഗുജറാത്ത് മുഖ്യമന്ത്രിയായിരുന്ന വഗേല ബിജെപിയില്‍ നിന്നും രാജിവെച്ച് പുതിയ പാര്‍ട്ടി രൂപീകരിക്കുകയായിരുന്നു.
പിന്നീട് കോണ്‍ഗ്രസില്‍ ചേര്‍ന്ന അദ്ദേഹം 2017ല്‍ നേതൃത്വവുമായുള്ള അഭിപ്രായ വ്യത്യാസങ്ങളെ തുടര്‍ന്ന് രാജിവെക്കുകയായിരുന്നു. കൂടാതെ, രാജ്യസഭാ തെരഞ്ഞെടുപ്പില്‍ ബിജെപിയ്ക്കാണ് വോട്ട് നല്‍കിയതെന്ന് പരസ്യമായി പ്രഖ്യാപിക്കുകയും ചെയ്തിരുന്നു.പ്രതീക്ഷിച്ച ഗുണം ബിജെപിയില്‍ നിന്ന് ലഭിക്കാതെ വന്നതാണ് ഇപ്പോള്‍ മാറാന്‍ കാരണമെന്നാണ് സൂചനകള്‍ ലഭിക്കുന്നത്.
Post Your Comments