മൗണ്ട് മോന്‍ഗനുയി: ഇന്ത്യക്കെതിരായ രണ്ടാം ഏകദിനത്തില്‍ ദയനീയമായി പരാജയപ്പെട്ട ന്യൂസിലന്‍ഡ് ടീമിനെ പരിഹസിച്ച് പോലീസ്. ന്യൂസീലന്‍ഡിലെ ഈസ്റ്റേണ്‍ ഡിസ്ട്രിക്ട് പോലീസിന്റെ ഔദ്യോഗിക ഫെയ്സ്ബുക്ക് പേജിലാണ് ന്യൂസീലന്‍ഡ് ടീമിനെ രസകരമായ രീതിയില്‍ ട്രോളിയത്. ‘ഇന്ത്യന്‍ ടീമംഗങ്ങളെ കണ്ടാല്‍ സൂക്ഷിക്കുക’ എന്ന മുന്നറിയിപ്പ് നല്‍കിയാണ് ഫെയ്സ്ബുക്കില്‍ പോസ്റ്റിട്ടിരിക്കുന്നത്.
ന്യൂസിലന്‍ഡ് പോലീസിന്റെ ഫേസ്ബുക്ക് പോസ്റ്റ്
‘നിലവില്‍ ഇവിടെ പര്യടനം നടത്തുന്ന ഒരു സംഘം വിദേശികള്‍ക്കെതിരേ പൊതുജനങ്ങള്‍ക്കുള്ള മുന്നറിയിപ്പ്: പാവങ്ങളായ ന്യൂസീലന്‍ഡുകാരെ ഈ സംഘം കഴിഞ്ഞാഴ്ച്ച നേപ്പിയറിലും മൗണ്ട് മോന്‍ഗനുയിയിലും അപമാനിച്ചതായി സാക്ഷി മൊഴിയുണ്ട്. ക്രിക്കറ്റ് ബാറ്റ്, പന്ത്, അതിനോട് സാമ്യമുള്ള മറ്റെന്തെങ്കിലും വസ്തുക്കള്‍ എന്നിവ കൊണ്ടുനടക്കുന്നവര്‍ ഈ വിദേശ സംഘത്തെ പ്രത്യേകം സൂക്ഷിക്കുക’
ന്യൂസീലന്‍ഡ് പോലീസിന്റെ ഈ പോസ്റ്റ് സോഷ്യല്‍ മീഡിയയില്‍ വൈറലാണ്. കേരളാ പോലീസിന്റെ ട്രോള്‍ ടീം പോലെ ന്യൂസീലന്‍ഡിലും ട്രോള്‍ ടീമുണ്ടോ എന്നാണ് മലയാളി ക്രിക്കറ്റ് ആരാധകരുടെ ചോദ്യം
Post Your Comments