കൃഷ്ണഗിരി : വിദര്‍ഭയ്‌ക്കെതിരായ കേരളത്തിന്റെ രഞ്ജി പോരാട്ടം ഇരു ടീമുകളിലേയും ബോളര്‍മാര്‍ തമ്മിലുള്ള അങ്കമായി മാറുന്നു. ഒന്നാമിനിങ്ങ്‌സിന് പിന്നാലെ രണ്ടാമിന്നിങ്‌സിലും കേരളം ബാറ്റിങ് തകര്‍ച്ച നേരിടുന്നു. 66 റണ്ണെടുക്കുന്നതിനിടെ കേരളത്തിന് ഏഴു മുന്‍നിര വിക്കറ്റുകള്‍ നഷ്ടമായി. നേരത്തെ വിദര്‍ഭയുടെ ഒന്നാമിന്നിങ്‌സ് 208 റണ്‍സില്‍ അവസാനിച്ചിരുന്നു.
വിദര്‍ഭയുടെ ഒന്നാമിന്നിങ്‌സ് സ്‌കോറിനേക്കാള്‍ 36 റണ്‍സിന് പിന്നിലാണ് കേരളം. സിജോമോന്‍ ജോസഫാണ് ക്രീസില്‍.നേരത്തെ അഞ്ച് വിക്കറ്റ് വീഴ്ത്തിയ സന്ദീപ് വാര്യറുടെ പ്രകടനമാണ് വലിയ സ്‌കോര്‍ ലക്ഷ്യമിട്ട വിദര്‍ഭയെ തടഞ്ഞ് നിര്‍ത്തിയത്. അഞ്ച് വിക്കറ്റ് നഷ്ടത്തില്‍ 171 റണ്‍സ് എന്ന നിലയില്‍ രണ്ടാം ദിനം കളിയാരംഭിച്ച വിദര്‍ഭയുടെ ശേഷിക്കുന്ന ഇന്നിങ്‌സ് പെട്ടെന്ന് അവസാനിക്കുകയായിരുന്നു. ഗണേഷ് സതീഷ്, വാഡ്കര്‍, സര്‍വാതെ, കാലെ, താക്കുര്‍ എന്നിവരുടെ വിക്കറ്റുകളാണ് വിദര്‍ഭയ്ക്ക് ഇന്ന്‌നഷ്ടമായത്.
Post Your Comments