ജി.എസ് പ്രദീപ് സംവിധായകനാകുന്നു; സ്വര്‍ണമത്സ്യങ്ങളുടെ ടീസര്‍ പുറത്ത് വിട്ട് പൃഥ്വിരാജ്

ടെലിവിഷന്‍ അവതാരകനായി ഏറെ ശ്രദ്ധ നേടിയ ജി.എസ് പ്രദീപ് സംവിധായക വേഷം അണിയുന്നു. ജി.എസ് പ്രദീപ് സംവിധാനം ചെയ്യുന്ന സ്വര്‍ണ മത്സ്യങ്ങള്‍ എന്ന സിനിമയുടെ ടീസറാണ് പൃഥ്വിരാജ് തന്റെ ഫേസ്ബുക്ക് പേജിലൂടെ പുറത്തുവിട്ടത്. സ്‌കൂള്‍ കാലഘട്ടത്തില്‍ ജി.എസ് പ്രദീപ് എഴുതിയ നാടകം താന്‍ സംവിധാനം ചെയ്തത അനുഭവവും പൃഥ്വിരാജ് പങ്കുവെച്ചു.

11-ാം ക്ലാസില്‍ പഠിക്കുമ്പോഴാണ് ജീവിതത്തില്‍ ആദ്യമായി ഞാന്‍ സംവിധാന രംഗത്ത് കൈവയ്ക്കുന്നത്. ഒരു നാടകത്തിന് വേണ്ടിയായിരുന്നു അത്. ഇംഗ്ലീഷ് കൃതികള അടിസ്ഥാനമാക്കി ഒരു നാടകം ഒരുക്കുന്ന സാമ്പ്രദായിക ശൈലിയെ വിട്ട് മലയാളത്തില്‍ തന്നെ ഒരു നാടകം ഒരുക്കണമെന്ന് ഞാനും എന്റെ സുഹൃത്തും തീരുമാനിച്ചു. ‘ അവന്‍ ദേവദത്തന്‍’ എന്നായിരുന്നു നാടകത്തിന്റെ പേര്. അഭിനേതാക്കള്‍ക്ക് പറയാന്‍ മികച്ച സംഭാഷണങ്ങള്‍ ആ നാടകത്തില്‍ ഉണ്ടായിരുന്നുവെന്ന് ഞാന്‍ ഇന്നും ഓര്‍ക്കുന്നു. അന്നവിടെ വായിച്ചത് സംവിധാനം പൃഥ്വിരാജ്, കഥ, തിരക്കഥ, സംഭാഷണം ജി.എസ് പ്രദീപ് എന്നായിരുന്നു. എനിക്ക് മുന്‍പേ ജി.എസ് പ്രദീപ് ആദ്യ ചിത്രം സംവിധാനം ചെയ്തു. ഞാന്‍ വളരെ സന്തോഷത്തിലാണ്. പ്രദീപിനും വര്‍ണമത്സ്യങ്ങളുടെ ടീമിനും ആശംസകള്‍… പൃഥ്വിരാജ് കുറിച്ചു.

https://www.facebook.com/PrithvirajSukumaran/videos/305128800346378/?t=70