കൊച്ചി: കൊച്ചി എളങ്കുളത്ത് നിര്‍മ്മാണത്തിലിരിക്കുന്ന കെട്ടിടത്തിനുള്ളില്‍ അജ്ഞാത മൃതദേഹം കണ്ടെത്തി. കെട്ടിടത്തിന്റെ ലിഫ്റ്റിന്റെ സ്ഥലത്തായിരുന്നു മൃതദേഹം കിടന്നിരുന്നത്. കൊലപാതകമാണോ ആത്മഹത്യയാണോയെന്നു പൊലീസിന് സ്ഥിരീകരിക്കാനായിട്ടില്ല. എളങ്കുളം ഫാത്തിമ മാതാ ചര്‍ച്ചിന് സമീപത്തുളള കെട്ടിടത്തിലാണ് മൃതദേഹം കണ്ടെത്തിയത്.
രാവിലെ കെട്ടിടത്തിനുളളില്‍ നിന്ന് ദുര്‍ഗന്ധം വന്നതോടെ നാട്ടുകാരാണ് പോലീസിനെ വിവരം അറിയിച്ചത്. പൊലീസെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം പോസ്റ്റ്‌മോര്‍ട്ടത്തിനയച്ചു.
Post Your Comments