ഡൽഹി : പുതിയ രണ്ട് ചാനലുകളുമായി ദൂരദര്‍ശന്‍. രാജ്യത്ത് ശാസ്ത്ര പുരോഗതി ലക്ഷ്യമിട്ടാണ് പുതിയ രണ്ട് ശാസ്ത്ര ചാനലുകള്‍ സംപ്രേഷണം തുടങ്ങിയത് .നിലവില്‍ വാര്‍ത്ത, കായികം, കൃഷി, വിനോദം തുടങ്ങിയ പ്രത്യേക ചാനലുകള്‍ക്ക് പുറമെയാണ് ശാസ്ത്ര വിഷയങ്ങളെ കേന്ദ്രീകരിച്ച്‌ ഡി.ഡി സയന്‍സ്, ഇന്ത്യ സയന്‍സ് ചാനലുകള്‍.
ശാസ്ത്ര സാങ്കേതിക വകുപ്പുമായി സഹകരിച്ച്‌ തുടങ്ങുന്ന പുതിയ ചാനലുകളുടെ ഉദ്ഘാടനം ശാസ്ത്ര സാങ്കേതിക മന്ത്രി ഹര്‍ഷ വര്‍ധന്‍ നിര്‍വഹിച്ചു.ശാസ്ത്ര സംബന്ധിയായ ഡോക്യുമെന്ററികള്‍, ചര്‍ച്ചകള്‍, ശാസ്ത്ര സ്ഥാപനങ്ങളെ പരിചയപ്പെടുത്തല്‍, ശാസ്ത്രജ്ഞരുമായുള്ള അഭിമുഖങ്ങള്‍, ശാസ്ത്ര വിഷയങ്ങളിലുള്ള ഹ്രസ്വ ചിത്രങ്ങള്‍ തുടങ്ങിയവ 24 മണിക്കൂറും സംപ്രേഷണം ചെയ്യുന്ന ചാനലുകളില്‍ ദൃശ്യമാവും.
Post Your Comments