കുവൈറ്റ് സിറ്റി : വാഹനാപകടത്തിൽ മൂന്ന് പേർക്ക് ദാരുണാന്ത്യം. കുവൈത്ത് സിറ്റിയില്‍ നിന്നും 70 കിലോമീറ്റര്‍ അകലെ വാഫ്രായിൽ അമിതവേഗത്തിലെത്തിയ ടാക്‌സി കാറും മറ്റൊരു വാഹനവും തമ്മില്‍ കൂട്ടിയിടിച്ചായിരുന്നു അപകടം. മരിച്ചവര്‍ ഏത് രാജ്യക്കാരാണെന്ന് തിരിച്ചറിഞ്ഞിട്ടില്ല. അഞ്ചുപേര്‍ക്ക് പരിക്കേറ്റു. കുവൈത്ത് സ്വദേശിയും കുടുംബവും സഞ്ചരിച്ച കാറിലുണ്ടായിരുന്നവര്‍ക്കാണ് പരിക്കേറ്റത്.
ഇവരെ അടുത്തുള്ള ആശുപത്രിയില്‍ പ്രവേശിപ്പിച്ചു. അപകടത്തെസംബന്ധിച്ച് വിശദമായ അന്വേഷണം നടക്കുകയാണെന്നു അധികൃതര്‍ അറിയിച്ചു.
Post Your Comments